திருச்சியில் பெரியாா் சிலைக்கு முதல்வா் மரியாதை: ஆட்சியரகத்தில் சமூக நீதி நாள் உறுதிமொழியேற்றாா்

பெரியாரின் ஈவெராவின் பிறந்தநாளை முன்னிட்டு, திருச்சி மத்தியப் பேருந்து நிலையப் பகுதியில் உள்ள அவரது சிலைக்கு தமிழக முதல்வா் மு.க.ஸ்டாலின் புதன்கிழமை மாலை அணிவித்து மரியாதை செலுத்தினாா். பின்னா், ஆட்சியரகத்தில் முதல்வா் தலைமையில் அமைச்சா்கள், எம்.பி.க்கள், எம்.எல்.ஏ.க்கள், அரசு அலுவலா்கள் சமூக நீதி நாள் உறுதிமொழியேற்றனா்.

கரூரில் நடைபெற்ற திமுக முப்பெரும் விழாவில் பங்கேற்பதற்காக தமிழக முதல்வா் மு.க.ஸ்டாலின் சென்னையிலிருந்து விமானம் மூலம் திருச்சிக்கு புதன்கிழமை காலை வந்தாா். அவருக்கு, விமான நிலையத்தில் சிறப்பான வரவேற்பு அளிக்கப்பட்டது.

முன்னதாக, காவல்துறையின் அணிவகுப்பு மரியாதையை ஏற்றுக் கொண்ட முதல்வா், சாலை வழியாக மத்திய பேருந்து நிலையம் பகுதிக்கு வந்தாா். அங்குள்ள பெரியாா் ஈவெரா சிலைக்கு கீழே அலங்கரித்து வைக்கப்பட்டிருந்த பெரியாா் உருவப்படத்துக்கு மலா்கள் தூவி மரியாதை செலுத்தினாா்.

பின்னா், மாவட்ட ஆட்சியரக வளாகத்தில் முதல்வா் தலைமையில் நடைபெற்ற சமூக நீதிநாள் உறுதிமொழியேற்பு நிகழ்வில் அமைச்சா்கள், எம்.பி.க்கள், எம்.எல்.ஏ.க்கள், அரசு அலுவலா்கள் உறுதிமொழியேற்றனா்.

இந்த நிகழ்வில், அமைச்சா்கள் கே.என். நேரு, அன்பில் மகேஸ் பொய்யாமொழி, எஸ். ரகுபதி, மா. சுப்பிரமணியன், சிவ.வீ. மெய்யநாதன், நாடாளுமன்ற உறுப்பினா்கள் திருச்சி என். சிவா, ஆ. ராசா, கனிமொழி, துரை வைகோ, அருண் நேரு, கவிஞா் சல்மா, சட்டப் பேரவை உறுப்பினா்கள் வி. செந்தில்பாலாஜி, எம். பழனியாண்டி, அ. செளந்தரபாண்டியன், ப. அப்துல் சமது, சீ. கதிரவன், என். தியாகராஜன், செ. ஸ்டாலின் குமாா், ஆ. தமிழரசி, வை. முத்துராஜா, துரை சந்திரசேகரன், டிகேஜி. நீலமேகம், திருச்சி மாநகராட்சி மேயா் மு. அன்பழகன், ஆட்சியா் வே. சரவணன், மாநகராட்சி ஆணையா் லி. மதுபாலன் மற்றும் உள்ளாட்சிப் பிரதிநிதிகள், அரசு உயா் அலுவலா்கள், மாவட்டத்தில் பல்வேறு துறைகளில் பணிபுரியும் அனைத்து அரசு அலுவலா்கள், பணியாளா்கள் கலந்து கொண்டு உறுதிமொழியேற்றனா்.

வழிநெடுகிலும் உற்சாக வரவேற்பு: திருச்சிக்கு வருகை தந்த முதல்வருக்கு வழிநெடுகிலும் ஆயிரக்கணக்கான தொண்டா்கள் மற்றும் பொதுமக்கள் திரண்டு நின்று உற்சாக வரவேற்பு அளித்தனா். முதல்வா் வருகையையொட்டி, மாநகரம் முழுவதும் பலத்தப் பாதுகாப்பு ஏற்பாடுகள் செய்யப்பட்டிருந்தன.