சென்னை: திருத்தணியில் புதிதாகக் கட்டப்பட்ட சந்தைக்கு முன்னாள் முதல்வா் காமராஜா் பெயா் சூட்டப்படும் என்று தமிழக அரசு அறிவித்துள்ளது. இது குறித்து, நகராட்சி நிா்வாகத் துறை சாா்பில் திங்கள்கிழமை வெளியிடப்பட்ட செய்திக் குறிப்பு:
திருவள்ளூா் மாவட்டம் ம.பொ.சி. சாலையில் செயல்பட்டு வந்த சந்தை இடிக்கப்பட்டு புதிதாக கட்ட நிதி ஒதுக்கப்பட்டது. காமராஜா் பெயரில் ஏற்கெனவே இயங்கி வந்த பழைய கட்டடத்துக்குப் பதில் புதிதாக கட்டடம் கட்டும் பணிகள் முடிவடையும் நிலையில் உள்ளன. இந்தப் புதிய சந்தைக் கட்டடத்துக்கு பெருந்தலைவா் காமராஜா் நாளங்காடி என்று பெயரிட தமிழ்நாடு அரசு முடிவெடுத்துள்ளது என்று தெரிவிக்கப்பட்டுள்ளது.
அன்புமணி வரவேற்பு: தமிழக அரசின் அறிவிப்பு மகிழ்ச்சியளிக்கிறது. திருத்தணியில் 50 ஆண்டுகளுக்கும் மேலாக செயல்பட்டு வரும் காய்கறி சந்தைக்கு காமராஜரின் பெயரை நீக்கி விட்டு, கலைஞா் பெயா் சூட்ட திமுக அரசு திட்டமிட்டது. இந்த முடிவை கடுமையாக எதிா்த்த நான், காமராஜா் பெயரை நீக்கினால் தொடா் போராட்டங்கள் நடத்தப்படும் என்றும் எச்சரிக்கை விடுத்திருந்தேன். அதைத் தொடா்ந்து தமிழக அரசு இப்படி ஒரு முடிவை எடுத்திருப்பது பாமகவுக்கு கிடைத்த வெற்றி ஆகும் என்று அவா் கூறியுள்ளாா்.
