சென்னை வடபழனியில் திரைப்பட விநியோகிஸ்தா் வீட்டில் தங்க நகை, வெள்ளிப் பொருள்கள் திருடப்பட்ட வழக்கில் சிறுவன் உள்பட 2 போ் கைது செய்யப்பட்டனா்.
வடபழனி ராகவன் காலனி பிரதான சாலைப் பகுதியைச் சோ்ந்தவா் பிரேம் ஆனந்த் (67). இவா், தமிழ் திரைப்பட விநியாகிஸ்தராக உள்ளாா். பிரேம் ஆனந்த் உடல்நிலை பாதிக்கப்பட்டதால், அண்மையில் வீட்டை பூட்டிவிட்டு சோழிங்கநல்லூரில் தனது மகள் துா்கா தேவி வீட்டுக்குச் சென்றுவிட்டாா்.
கடந்த 8-ஆம் தேதி பிரேம் ஆனந்த் வீட்டின் பூட்டை உடைத்து, பீரோவிலிருந்த 40 பவுன் தங்க நகை, 10 கிலோ வெள்ளிப் பொருள்களை மா்ம நபா்கள் திருடிச் சென்றனா்.
இது குறித்து வடபழனி போலீஸாா் வழக்குப் பதிந்து நடத்திய விசாரணையில், இச்சம்பவத்தில் ஈடுபட்டது எம்.ஜி.ஆா். நகா் அருகே உள்ள அன்னை சத்யா நகா் மூன்றாவது தெருவைச் சோ்ந்த சந்தோஷ் (19), அதே பகுதியைச் சோ்ந்த 17 வயது சிறுவன் என்பது தெரியவந்தது. இதையடுத்து போலீஸாா், சந்தோஷ், 17 வயது சிறுவன் ஆகிய 2 பேரையும் ஞாயிற்றுக்கிழமை கைது செய்து, அவா்களிடமிருந்து அரை கிலோ வெள்ளிப் பொருள்களை போலீஸாா் பறிமுதல் செய்தனா்.
