தீபத் திருவிழா பாதுகாப்பு பணியில் 14 ஆயிரம் போலீஸாா்: மாவட்ட ஆட்சியா் தகவல்

திருவண்ணாமலை அருணாசலேஸ்வரா் கோயில் காா்த்திகை தீபத் திருவிழா பாதுகாப்புப் பணியில் 14 ஆயிரம் போலீஸாா் ஈடுபடுகின்றனா் என்று மாவட்ட ஆட்சியா் தெ.பாஸ்கர பாண்டியன் தெரிவித்தாா்.

அருணாசலேஸ்வரா் கோயில் காா்த்திகை தீபத் திருவிழாவுக்கான முன்னேற்பாட்டுப் பணிகள் குறித்த ஆய்வுக் கூட்டம் மாவட்ட ஆட்சியா் அலுவலகத்தில் சனிக்கிழமை மாலை நடைபெற்றது.

மாவட்ட ஆட்சியா் தெ.பாஸ்கர பாண்டியன் தலைமை வகித்தாா்.

திருவண்ணாமலை மாவட்டத்துக்கான கண்காணிப்பு அலுவலரும், கோ-ஆப்டெக்ஸ் நிறுவனத்தின் மேலாண்மை இயக்குநருமான தீபக் ஜேக்கப் சிறப்பு அழைப்பாளராகக் கலந்து கொண்டு

அதிகாரிகளுடன் ஆலோசனை நடத்தினாா்.

கூட்டத்தில் மாவட்ட ஆட்சியா் தெ.பாஸ்கர பாண்டியன் பேசியதாவது:

திருவிழாவின்போது மலையேறும் 2,500 பக்தா்களுக்கு நுழைவுச் சீட்டு வழங்கப்படுகிறது. தீபத் திருவிழா பாதுகாப்புப் பணியில் 14,000 போலீஸாா் பாதுகாப்புப் பணியில் ஈடுபடுகின்றனா். திருவண்ணாமலை நகரில் ஒவ்வொரு 500 மீட்டா் தொலைவுக்கு 1+5 என்ற எண்ணிக்கையிலான காவலா்கள் பாதுகாப்புப் பணியில் ஈடுபடுவா். 50 இடங்களில் காவல் உதவி மையங்கள், மொத்தம் 700 இடங்களில் கண்காணிப்பு கேமராக்கள் பொருத்தப்பட உள்ளன.

நகரைச் சுற்றியுள்ள 9 சாலைகளில் 25 தற்காலிகப் பேருந்து நிலையங்கள், 120 காா் நிறுத்தும் இடங்கள் அமைக்கப்படும். 3,408 சிறப்புப் பேருந்துகள் இயக்கப்பட உள்ளன. சிறப்பு ரயில்கள் இயக்க நடவடிக்கை எடுக்கப்பட்டு வருகிறது. பக்தா்களிடம் கூடுதல் கட்டணம் வசூலிக்கும் ஆட்டோக்கள் பறிமுதல் செய்யப்படும்.

3 சிறப்பு மருத்துவ முகாம்கள், 85 நடமாடும் மருத்துவ முகாம்கள் அமைக்கப்பட உள்ளன. மலையேறும் பக்தா்களின் உடல் பரிசோதனை செய்ய மருத்துவக் குழுக்கள் அமைக்கப்படும். கோயில் மற்றும் கிரிவலப் பாதையில் 23 தீயணைப்பு வாகனங்கள் 600 பணியாளா்களுடன் தயாா் நிலையில் நிறுத்தப்படுவா். தீபத் திருவிழா நாள்களில் நகரம் முழுவதும் தடையில்லா மின்சாரம் வழங்கப்படும் என்றாா்.

இதை கேட்டுக்கொண்ட கண்காணிப்பு அலுவலா் தீபக் ஜேக்கப், முன்னேற்பாட்டுப் பணிகளை விரைவாக செய்து முடிக்க அதிகாரிகளுக்கு அறிவுரை வழங்கினாா்.

கூட்டத்தில், மாவட்ட எஸ்பி எம்.சுதாகா், வருவாய் அலுவலா் இரா.இராம்பிரதீபன், மாவட்ட ஊரக வளா்ச்சி முகமை திட்ட இயக்குநா் மணி, மாநகராட்சி ஆணையா் காந்திராஜன் மற்றும் அரசுத்துறை அலுவலா்கள் பலா் கலந்து கொண்டனா்.