அமெரிக்காவில் போதைப்பொருள் விவகாரம்! தொடர்புடைய இந்தியர்கள் விசாவுக்கு தடை!
விருதுநகா் மாவட்டம், சிவகாசி அருகே தீப்பெட்டி ஆலைத் தொழிலாளி கொலை செய்யப்பட்டது தொடா்பாக போலீஸாா் 7 பேரை புதன்கிழமை கைது செய்தனா்.
சிவகாசி அருகேயுள்ள புதுக்கோட்டையைச் சோ்ந்த பூமிநாதன் மகன் தமிழரசன் (23). திப்பெட்டி ஆலையில் தொழிலாளியாக வேலை பாா்த்து வந்தாா். இந்த நிலையில், கஞ்சா விற்பனை செய்ததாக சில மாதங்களுக்கு முன்பு கைது செய்யப்பட்ட இவா் சிறையில் அடைக்கப்பட்டாா்.
சிறையிலிருந்து வந்த தமிழரசன் செவலூரைச் சோ்ந்த சுரேஷ் மகள் சங்கரேஷ்வரியுடன் பழகி வந்தாா். இதை அறிந்த குடும்பத்தினா் தமிழரசனைக் கண்டித்தனா்.
இந்த நிலையில், உறவினரின் திருமணத்துக்காக சேலத்துக்குச் சென்றுவருமாறு தமிழரசனிடம் அவரது குடும்பத்தாா் தெரிவித்தனா்.
சேலத்துக்குச் செல்வதாக வீட்டிலிருந்து செவ்வாய்க்கிழமை புறப்பட்ட தமிழரசன், அங்கு செல்லாமல் புதுக்கோட்ையில் நண்பா் ரஞ்சித்துடன் மது அருந்தியுள்ளாா்.
அப்போது, சங்கேரேஷ்வரியின் அண்ணன் சங்கரபாண்டி தனது தங்கையுடன் பழகி வரும் தமிழரசனைக் கொலை செய்யத் திட்டமிட்டாா். இதையடுத்து, செவ்வாய்க்கிழமை இரவு சங்கரபாண்டி (22), அவரது நண்பா்கள் மணிகன்டன் (20), ரஞ்சித்குமாா் (24), ஜெயசங்கா் (22), முத்துப்பாண்டி(22), செல்வம் (25), சுரேஷ் (42) ஆகிய ஏழு பேரும் சோ்ந்து தமிழரசனை அரிவாளால் வெட்டிக் கொலை செய்தனா். அவரது உடல் புதுக்கோட்டையில் உள்ள விநாயகா் கோயிலின் பின்புறம் உள்ள முள்புதரில் கிடந்தது புதன்கிழமை காலை தெரிய வந்தது.
இதையடுத்து, சம்பவ இடத்துக்கு வந்த போலீஸாா் தமிழரசனின் உடலை மீட்டு கூறாய்வுக்காக விருதுநகா் அரசு மருத்துவமனைக்கு அனுப்பி வைத்தனா். இது குறித்த புகாரின் பேரில், எம்.புதுப்பட்டி காவல் நிலைய போலீஸாா், தமிழரசனைக் கொலை செய்த 7 போ் மீதும் வழக்குப் பதிவு செய்து அவா்களைக் கைது செய்தனா்.
