தீ விபத்தில் பாதிக்கப்பட்ட குடும்பத்திற்கு அதிமுக நிவாரண உதவி

சீா்காழியில் தீ விபத்தில் பாதிக்கப்பட்ட குடும்பத்திற்கு அதிமுக சாா்பில் செவ்வாய்க்கிழமை நிவாரண உதவி வழங்கப்பட்டது.

சீா்காழி ரயில்வே சாலை தாடாளன் தெற்கு வீதியை சோ்ந்தவா் சுந்தர்ராஜ் (70). இவா் வாடகை வீட்டில் வசித்து வருகிறாா். மின்கசிவு காரணமாக இந்த வீட்டில் தீ விபத்து நேரிட்டது. சீா்காழி தீயணைப்பு நிலைய வீரா்கள் விரைந்து சென்று தீயை அணைத்தனா்.

இருப்பினும் பீரோ, கட்டில், பாத்திரங்கள் உள்ளிட்ட பொருட்கள் எரிந்து சேதமடைந்தன. பாதிக்கப்பட்ட குடும்பத்தினருக்கு அதிமுக ஜெ.பேரவை மாநில துணைச் செயலாளா் இ. மாா்கோனி நேரில் சென்று ஆறுதல் கூறி, ரூ 15,000 நிதியுதவி வழங்கினாா்.

மேலும், வாடகை வீடு என்பதால் பாதிக்கப்பட்ட குடும்பத்திற்கு எந்தவித நிவாரண உதவியும் கிடைக்காத நிலை உள்ளதால், அரசின் உதவி கிடைக்க நடவடிக்கை தேவை என்றாா். நகா்மன்ற உறுப்பினா்கள் ராஜேஷ், பாலமுருகன், ரமாமணி, கிருஷ்ணமூா்த்தி மற்றும் அதிமுக நிா்வாகி ராஜசேகா் உள்ளிட்டோா் உடனிருந்தனா்.