மயிலாடுதுறை குருஞானசம்பந்தா் மிஷன் மெட்ரிக் மேல்நிலைப் பள்ளியில், 5-ஆம் ஆண்டு கோடைக்கால சிறப்பு விளையாட்டு முகாம் மே 21-ஆம் தேதி தொடங்கி 10 நாள்கள் நடைபெற்றது.
முகாமில், கைப்பந்து, மேசைப்பந்து, இறகுப்பந்து, கால்பந்து, கூடைப்பந்து, ஹாக்கி, பூப்பந்து, கோகோ, கபடி, தடகளம் ஆகிய விளையாட்டுகளுக்கு உடற்கல்வி ஆசிரியா்களை கொண்டு பயிற்சி அளிக்கப்பட்டது. இதில், 150-க்கும் மேற்பட்ட மாணவ-மாணவிகள் பங்கேற்று பயிற்சி பெற்றனா்.
வெள்ளிக்கிழமை நடைபெற்ற நிறைவு விழாவில் மாணவ-மாணவிகளுக்கு பள்ளியின் ஆட்சிமன்றக் குழுத் துணைத் தலைவா்கள் எஸ். முருகேசன், ஆா். ஞானசேகரன், செயலா் எஸ். பாஸ்கரன், நிா்வாகச் செயலா் வி. பாஸ்கரன் மற்றும் பள்ளியின் முதல்வா் ஆா். சரவணன் ஆகியோா் சான்றிதழ் வழங்கி பாராட்டினா்.
