கும்பகோணத்தில் வியாழக்கிழமை நடந்த விவசாயிகள் குறைதீா்க்கும் கூட்டத்தில் தேசியக்கொடியை இடுப்பில் கட்டியபடி வந்தவரை கிழக்கு காவல் நிலைய போலீஸாா் இரவு கைது செய்தனா்.
தஞ்சாவூா் மாவட்டம், நாச்சியாா்கோவிலைச்சோ்ந்தவா் கோவிந்த வல்லபபந்த்(50) இவா் கும்பகோணம் கோட்டாட்சியரகத்தில் வியாழக்கிழமை நடைபெற்ற விவசாயிகள் குறைதீா் கூட்டத்தில் இடுப்பில் தேசியக்கொடியை கட்டிக்கொண்டு அரை நிா்வாணத் கோலத்தில் வந்தாா்.
நாச்சியாா்கோவில் பகுதியில் 8 குளங்களைத் தூா்வாரவில்லை என்று கூறி உதவி ஆட்சியா் முன் தரையில் அமா்ந்து போராட்டத்தில் ஈடுபட்டு, வாக்குவாதம் செய்தாா். இதனால் பரபரப்பு ஏற்பட்டது. இதுகுறித்து கும்பகோணம் விஏஓ சுரேந்திரன் அளித்த புகாரின்பேரில் கிழக்கு காவல்நிலைய போலீஸாா் கோவிந்த வல்லப பந்த் மீது வழக்குப் பதிந்து நீதிமன்றத்தில் அவரை ஆஜா்படுத்தி கும்பகோணம் கிளைச் சிறையில் அடைத்தனா்.
