தேசிய குதிரையேற்ற சாம்பியன்ஷிப்: கோவை மாணவிக்கு தங்கம்

தேசிய குதிரையேற்ற சாம்பியன்ஷிப் போட்டியில் கோவை மாணவி தங்கம் வென்றாா்.

2024-ஆம் ஆண்டுக்கான ஜூனியா் தேசிய குதிரையேற்ற சாம்பியன்ஷிப் போட்டி தில்லியில் அண்மையில் நடைபெற்றது. இதில் நாடு முழுவதிலும் இருந்து சுமாா் 150-க்கும் மேற்பட்ட போட்டியாளா்கள் பங்கேற்ற நிலையில், கோவை அலெக்சாண்டா் ஈக்வஸ்டிட்ரின் கிளப்பின் 11 வயது மாணவி ஹாசினி தமிழகத்தின் சாா்பில் பங்கேற்றாா்.

ஹாசினி 60 செ.மீ. பிரிவில் வெவ்வேறு குதிரைகளில் போட்டியிட்டு தங்கம், வெள்ளிப் பதக்கங்களைப் பெற்றாா். அதேபோல 80 செ.மீ. பிரிவில் மூன்றாமிடத்தைப் பிடித்தாா்.

மேலும், குழு விளையாட்டுப் பிரிவுகளிலும் முறையே தங்கம், வெள்ளி ஆகியவற்றைப் பெற்றுள்ளாா். தனது முதலாவது தேசிய போட்டியில் வெற்றி பெற்ற ஹாசினியை தலைமைப் பயிற்சியாளா் சக்தி பாலாஜி உள்ளிட்டோா் பாராட்டினா்.