தொகுதி மறுசீரமைப்பு விவாதம் அரசியல் உள்நோக்கம் கொண்டது என்று ஆா்எஸ்எஸ் இணை பொதுச் செயலாளா் சி.ஆா்.முகுந்தா கூறினாா்.
ஆா்எஸ்எஸ்அமைப்பின் தேசிய செயற்குழு கூட்டம் பெங்களூரில் வெள்ளிக்கிழமை அதன் தலைவா் மோகன் பாகவத் தலைமையில் தொடங்கியது. கூட்டத்தில் ஆா்எஸ்எஸ் இணை பொதுச்செயலாளா் சி.ஆா்.முகுந்தா வெள்ளிக்கிழமை செய்தியாளா்களிடம் கூறியதாவது:
ஆா்எஸ்எஸ் தேசிய செயற்குழு கூட்டத்தில் மணிப்பூா், நாட்டை வடக்கு தெற்கு என பிரிக்கும் முயற்சி உள்ளிட்ட பல்வேறு முக்கியத்துவம் வாய்ந்த விவகாரங்கள் விவாதிக்கப்பட இருக்கின்றன. இந்த செயற்குழுவில் மும்மொழிக்கொள்கை குறித்து எவ்வித தீா்மானமும் நிறைவேற்றப்படாது.
கல்வி மொழியாகவும், தொடா்பு மொழியாகவும் தாய்மொழி இருக்க வேண்டும் என்பது தான் ஆா்எஸ்எஸ் அமைப்பின் நிலைப்பாடும். தொகுதி மறுசீரமைப்பு விவாதம் அரசியல் உள்நோக்கம் கொண்டதாகும். எத்தனை தொகுதிகள் என்பது பற்றி எங்களுக்கு கவலையில்லை. ஆனால், மொழி அல்லது தொகுதி மறுசீரமைப்பு எதுவாக இருந்தாலும், வடக்கு தெற்கு என்ற பிளவை ஏற்படுத்தும் ஒருசில சக்திகள், தேசிய ஒற்றுமைக்கு சவால்விடுவது கவலை அளிக்கிறது.
தென்னிந்தியாவில் நல்லிணக்கத்தை ஏற்படுத்த எங்கள் அமைப்புகள் தீவிரமுயற்சியில் ஈடுபட்டுள்ளன.
நாட்டின் முக்கியத்துவம் வாய்ந்த பிரச்னைகள் குறித்து கூட்டத்தில் விவாதிக்கப்பட்டு, தீா்மானம் நிறைவேற்றப்படும். இந்த கூட்டத்தில் ஆா்எஸ்எஸ் அமைப்பின் 32 துணை அமைப்புகளின் தலைவா்கள் கலந்துகொள்கின்றனா்.
கடந்த 20 மாதங்களாக மணிப்பூா் கடினமான பாதையில் பயணிக்கிறது. தற்போது சில நம்பிக்கைகள் தென்பட தொடங்கியுள்ளன. மத்திய அரசு எடுத்துள்ள சில அரசியல் மற்றும் நிா்வாக முடிவுகள், மணிப்பூா் மக்களிடையே நம்பிக்கை ஏற்பட்டுள்ளது. அங்குள்ள நிலையை ஆா்எஸ்எஸ் கவனித்து வருகிறது. இம்மாநிலத்தில் உள்ள மெய்தி மற்றும் குக்கி மக்களிடையே இணக்கத்தை ஏற்படுத்த ஆா்எஸ்எஸ் முயற்சித்து வருகிறது.
அங்கு சில அரசியல் முடிவுகளை எடுக்க வேண்டியுள்ளது. பெரும்பாலான முடிவுகளை மத்திய அரசு எடுக்க வேண்டும். மத்திய அரசு தனது வேலையை செய்து வந்தால், நாங்கள் எங்கள் வேலையை செய்து வருகிறோம். அங்கு நல்லிணக்கத்தை ஏற்படுத்த முயற்சிக்கிறோம். சில நிவாரண முகாம்களையும் அமைத்து செயல்பட்டு வருகிறோம்.
வங்கதேசத்தில் ஹிந்துகள் மீதான தாக்குதல் குறித்து விவாதிக்கப்படும். அங்கு வாழும் மக்கள் தேசியகுடிமக்கள் பதிவேட்டில் பதிந்துகொள்ள சில அடையாளங்கள் தேவைப்படுகிறது. ஆனால், அது குறித்து தீா்மானம் எதுவும் நிறைவேற்றப்படாது.
ஆா்எஸ்எஸ் நிறுவி 100 ஆண்டுகளை நிறைவு செய்கிறோம். எனவே, கொண்டாட்டங்களை காட்டிலும், ஆண்டுமுழுவதும் அமைப்பை விரிவாக்குவது, பலப்படுத்துவதில் ஈடுபடுவோம். சமுதாயத்தில் மாற்றங்கள் கொண்டுவருவதில் ஆா்எஸ்எஸ் அமைப்பின் பாதிப்பு குறித்து ஆய்வு செய்யப்படும். கடந்த ஓராண்டில் ஆா்எஸ்எஸ் வேகமாக வளா்ந்துள்ளது.
நிகழாண்டில் தமிழகத்தில் ஆா்எஸ்எஸ் கிளைகளின் எண்ணிக்கை 4,000 ஐ தாண்டியுள்ளது. மத அல்லது கலாசார காரணங்களுக்காக அல்லாமல், அரசியல் காரணங்களுக்காக ஒருசில இடங்களில் ஆா்எஸ்எஸ்க்கு எதிா்ப்பு உள்ளது. தற்போது 83,129 கிளைகள் செயல்பட்டு வருகின்றன. இது கடந்த ஆண்டை காட்டிலும் 10,000 கிளைகள் அதிகரித்துள்ளன. 51,710 இடங்களில் தினசரி நடவடிக்கைகளும், 21,936 இடங்களில் வாராந்திர நடவடிக்கைகளும் நடைபெற்று வருகின்றன.
100 ஆண்டுகளைக் கடந்துள்ள ஆா்எஸ்எஸ் அமைப்பில் ஒருகோடி உறுப்பினா்கள் இருக்கிறாா்கள்.
பிரயாக்ராஜில் நடைபெற்ற கும்பமேளா, இந்தியா்களின் பெருமிதத்தையும், நம்பிக்கையையும் உச்சத்திற்கு கொண்டு சென்றுள்ளது. அது, இந்தியாவின் ஆன்மிக மற்றும் பாரம்பரியத்தை சிறப்பாக பறைச்சாற்றியது. அருமையான உள்கட்டமைப்பு மற்றும் மேலாண்மையின் மூலம் மிகச்சிறப்பான ஏற்பாட்டை செய்திருந்த மத்திய அரசையும், உத்தரபிரதேச அரசையும் பாராட்டியாக வேண்டும் என்றாா்.
