மதுரையில் நல்லாசிரியா்கள், அரசுப் பொதுத் தோ்வுகளில் அதிக மதிப்பெண் பெற்ற மாணவ, மாணவிகளுக்கு சுப்பிரமணியபாரதி அறக்கட்டளை சாா்பில் சனிக்கிழமை பரிசளிக்கப்பட்டது.
நல்லாசிரியா்கள், 10, 12 ஆம் வகுப்பு பொதுத் தோ்வுகளில் அதிக மதிப்பெண் பெற்ற மாணவா்களுக்கான பரிசளிப்பு விழா, ஏழை எளிய மாணவ, மாணவிகளுக்குக் கல்வி உதவித் தொகை வழங்கும் விழா ஆகியன சுப்பிரமணிய பாரதி அறக்கட்டளை சாா்பில் முப்பெரும் விழாவாக, டி.வி.எஸ் பள்ளியில் கொண்டாடப்பட்டது.
அறக்கட்டளையின் நிா்வாக அறங்காவலா் என். ரெங்கராஜன் தலைமை வகித்தாா். மதுரை, ஸ்ரீ ராமச்சந்திரா கண் மருத்துவமனை நிா்வாக இயக்குநா் மருத்துவா் எஸ். சீனிவாசன் சிறப்பு அழைப்பாளராகப் பங்கேற்று, நல்லாசிரியா்கள், அதிக மதிப்பெண் பெற்ற மாணவ, மாணவிகளுக்கு பரிசுகளையும், ஏழை எளிய மாணவா்களுக்கு அறக்கட்டளை சாா்பில் கல்வி உதவித் தொகைகளையும் வழங்கினாா்.
இந்த நிகழ்ச்சியில் மாணவ, மாணவிகள் 50 பேருக்கும், நல்லாசிரியா்கள் 10 பேருக்கும் பரிசுகள் வழங்கப்பட்டன. 25 மாணவ, மாணவிகளுக்குக் கல்வி உதவித் தொகை வழங்கப்பட்டது.
உயா்நீதிமன்ற வழக்குரைஞா் வி. ராமகிருஷ்ணன், மதுரைக் கல்லூரி வாரிய உறுப்பினா் எல். அமுதன் ஆகியோா் வாழ்த்துரையாற்றினா்.
முன்னதாக, சுப்பிரமணியபாரதி அறக்கட்டளை அறங்காவலா் வி. ஸ்ரீதரன் வரவேற்றாா். அறங்காவலா் ஆா். நாராயணன் நன்றி கூறினாா்.
