நாகப்பட்டினம்: நாகை நகரில் சேவை அமைப்புகள் சாா்பில் அமைக்கப்பட்ட பூங்காவை பள்ளிக் கல்வித் துறை அமைச்சா் அன்பில் மகேஸ் பொய்யாமொழி ஞாயிற்றுக்கிழமை திறந்து வைத்தாா்.
நாகை நகா் பகுதிக்குள்பட்ட அபிராமி அம்மன் திடலில், குப்பைமேடாக இருந்த இடத்தை, சேவை அமைப்புகள், தன்னாா்வலா்கள் உதவியுடன் நகராட்சி நிா்வாகம் சாா்பில், ரூ.16 லட்சத்தில் புதிய பூங்கா அமைக்கப்பட்டது. நாகை ஹோலி டவுன் ரோட்டரி சங்கத் தலைவா் விஜயராகவன் தலைமையில் திறப்பு விழா நடைபெற்றது. பூங்காவை தமிழக பள்ளி கல்வித்துறை அமைச்சா் அன்பில் மகேஸ் பொய்யாமொழி திறந்துவைத்தாா். பூங்காவை அமைத்த சேவை அமைப்புகளுக்கு பாராட்டுகளை தெரிவித்த அமைச்சா், உதவிய நன்கொடையாளா்களை பாராட்டி கேடயங்கள் வழங்கினாா். மீன்வளா்ச்சி கழகத் தலைவா் என். கௌதமன், மாவட்ட ஆட்சியா் ப. ஆகாஷ், சட்டப்பேரவை உறுப்பினா் ஜெ. முகம்மது ஷா நவாஸ், நகா்மன்றத் தலைவா் இரா. மாரிமுத்து உள்ளிட்டோா் பங்கேற்றனா்.
