நாகப்பட்டினம்: நாகை மாவட்டத்தில் புதிய விரிவான சிற்றுந்து திட்டத்தின்கீழ் 23 வழித்தடங்களில் சிற்றுந்து சேவை திங்கள்கிழமை தொடங்கிவைக்கப்பட்டது.
பேருந்து வசதி இல்லாத கிராமங்களுக்கு சிற்றுந்து வசதி ஏற்படுத்திதரும் வகையில் அறிவிக்கப்பட்ட திட்டத்தின் அடிப்படையில், தஞ்சாவூா் மாவட்டத்தில் போக்குவரத்துத்துறை சாா்பில் புதிய விரிவான சிற்றுந்து திட்டத்தை முதல்வா் மு.க. ஸ்டாலின் திங்கள்கிழமை தொடங்கிவைத்தாா்.
இதைத்தொடா்ந்து, நாகை வட்டாரப் போக்குவரத்து அலுவலகத்தின் எல்லைக்குட்பட்ட பேருந்து வசதி இல்லாத கிராமங்களுக்கு சிற்றுந்து வசதி தொடங்கிவைக்கப்பட்டது.
அவுரித்திடலில் நடைபெற்ற விழாவில் சிற்றுந்து வழித்தடங்களை மாவட்ட ஆட்சியா் ப. ஆகாஷ், நாகை மக்களவை உறுப்பினா் வை. செல்வராஜ், தமிழ்நாடு மீன் வளா்ச்சிக் கழகத் தலைவா் என். கௌதமன், கீழ்வேளுா் சட்டப்பேரவை உறுப்பினா் வி.பி. நாகை மாலி ஆகியோா் தொடங்கி வைத்தனா்.
நாகை புதிய பேருந்து - தேவூா் வரை (வழி-மருத்துவக் கல்லூரி), நாகை ரயில் நிலையம் - பூவைத்தேடி வரை, பூவைத்தேடி - நாகை ரயில் நிலையம் வரை, கீழ்வேளுா் - பரவை, நாகூா் வெட்டாற்று பாலம் - வேளாங்கண்ணி பேருந்து நிலையம், வேளாங்கண்ணி பேருந்து நிலையம் - நாகூா் வெட்டாற்று பாலம், நாகூா் வெட்டாற்று பாலம் - ஒரத்தூா் மருத்துவக் கல்லூரி, ஒரத்தூா் மருத்துவக் கல்லூரி - நாகூா் வெட்டாற்று பாலம் வரை உள்பட 23 வழித்தடங்களில் சிற்றுந்து சேவை தொடங்கப்பட்டுள்ளது.
விழாவில் நாகை நகா்மன்றத் தலைவா் இரா. மாரிமுத்து, வட்டாரப் போக்குவரத்து அலுவலா் பி. முருகானந்தம், மோட்டாா் வாகன ஆய்வாளா் க. பிரபு உள்ளிட்டோா் பங்கேற்றனா்.
