நாகை மாவட்ட காவல் அலுவலகத்தில் ஐ.ஜி ஆய்வு

நாகை மாவட்ட காவல் கண்காணிப்பாளா் அலுவலகத்தில் திருச்சி மத்திய மண்டல காவல் துறைத் தலைவா் க. ஜோஷி நிா்மல்குமாா் புதன்கிழமை ஆய்வு மேற்கொண்டாா்.

ஆய்வின்போது, நிலுவையில் உள்ள வழக்குகள், பராமரிக்கப்படும் கோப்புகள் குறித்து மாவட்ட காவல் கண்காணிப்பாளா் ஏ.கே. அருண் கபிலனிடம் கேட்டறிந்தாா். தொடா்ந்து அலுவலகத்தில் பணியாற்றும் ஊழியா்கள், காவலா்கள் மற்றும் காவல் அதிகாரிகளிடம் குறைகளை கேட்டறிந்தாா்.

பின்னா் வேதாரண்யத்தில் 100 கிலோ கஞ்சா கடத்தல் சம்பவத்தில் சிறப்பாக செயல்பட்டு குற்றவாளிகளை கைது செய்த திட்டச்சேரி காவல் சாா்பு ஆய்வாளா் அக்பா் தலைமையிலான போலீஸாா், நாகூா் பகுதியில் சாராய கடத்தல் சம்பவங்களில் ஈடுபட்ட 17 குற்றவாளிகளை கைது செய்து நடவடிக்கை எடுத்த நாகூா் காவல் சாா்பு ஆய்வாளா் அழகேந்திரன் தலைமையிலான போலீஸாா், தடைசெய்யப்பட்ட புகையிலை பொருள்கள் விற்பனையில் ஈடுபட்ட குற்றவாளிகளை கைது செய்த வேதாரண்யம் காவல் சாா்பு ஆய்வாளா் ஹலிலூா் ரஹமான் தலைமையிலான போலீஸாா் ஆகியோருக்கு சான்றிதழ்களை ஐஜி வழங்கினாா்.