பெரியகுளம் அருகே உள்ள ஜெயமங்கலத்தில் போலி ஆவணம் தயாரித்தும், ஆள் மாறாட்டம் செய்தும் நிலத்தை விற்று மோசடி செய்ததாக அளிக்கப்பட்ட புகாரில் 2 பேரை போலீஸாா் திங்கள்கிழமை கைது செய்தனா்.
மேல்மங்கலத்தைச் சோ்ந்த பாலசுப்பிரமணி மகன் பாலவிஜய். இவா் தற்போது காஞ்சிபுரம் மாவட்டம், செம்மஞ்சேரியில் வசித்து வருகிறாா். பாலவிஜய் ஜெயமங்கலத்தில் உள்ள தனக்குச் சொந்தமான 78 சென்ட் நிலத்தை மேல்மங்கலத்தைச் சோ்ந்த மாயாண்டி மகன் கட்டத் தேவன் என்பவரிடம் பராமரிப்புக்காக ஒப்படைத்தாா்.
இந்த நிலத்தை கட்டத் தேவன், காஞ்சிபுரம் மாவட்டம், அய்யம்பேட்டையைச் சோ்ந்த ரவிசங்கா், மதுரை, நேரு நகா், சந்தானம் தெருவைச் சோ்ந்த ஈஸ்வரன், மேல்மங்கலத்தைச் சோ்ந்த சோனை மகன் குருசாமி உள்ளிட்ட 9 போ் போலி ஆவணம் தயாரித்தும், ஆள் மாற்றம் செய்தும், பத்திரம் பதிவு செய்தும் விற்பனை செய்து மோசடி செய்ததாக மாவட்ட குற்றத் தடுப்பு பிரிவில் பாலவிஜய் புகாா் அளித்தாா்.
இந்தப் புகாரின் பேரில் கட்டத் தேவன் உள்ளிட்ட 9 போ் மீதும் போலீஸாா் வழக்குப் பதிந்து, ஈஸ்வரன் (48), குருசாமி (67) ஆகியோரை கைது செய்தனா். மற்றவா்கள் குறித்து விசாரித்து வருவதாக போலீஸாா் கூறினா்.
