முத்தரப்பு தொடர்: தெ.ஆப்பிரிக்க அணியில் சிஎஸ்கே நம்பிக்கை நட்சத்திரம்!
சென்னையில் சாலையோர வியாபாரிகள் நிலைக்குழு உறுப்பினா்கள் தோ்தல் வாக்குப்பதிவு வியாழக்கிழமை நடைபெற்றது.
பெருநகர சென்னை மாநகராட்சியில் சாலையோர வியாபாரிகளை முறைப்படுத்தும் நடவடிக்கையாக மாநகராட்சியின் 15 மண்டலங்களிலும் நிலைக்குழு அமைக்கப்படுகிறது. அதில் மண்டலத் தலைவா், ஆணையா், உதவி ஆணையா் உள்ளிட்ட 15 பேரும், வியாபாரிகள் தரப்பில் தலா 6 பேரும் இடம் பெறுவா். வியாபாரிகள் தரப்பில் நிலைக் குழு உறுப்பினா்களை தோ்வு செய்வதற்கான தோ்தல் அறிவிக்கப்பட்டு, வாக்குப்பதிவு வியாழக்கிழமை 12 மண்டலங்களில் அமைக்கப்பட்டிருந்த 92 வாக்குச்சாவடிகளில் நடைபெற்றன.
வியாபாரிகள் வாக்குச்சீட்டில் முத்திரை குத்தி பெட்டிக்குள் செலுத்தினா். வாக்களித்தவா்களுக்கு விரலில் அடையாள மை வைக்கப்பட்டது. மொத்தம் 90 உறுப்பினா்கள் பிற்படுத்தப்பட்டோா் உள்ளிட்ட 6 பிரிவுகளில் தோ்ந்தெடுக்கப்படவுள்ள நிலையில், அதில் 3 மண்டலங்களில் 42 உறுப்பினா்கள் போட்டியின்றித் தோ்வு செய்யப்பட்டதாகக் கூறப்படுகிறது. அதன்படி 48 உறுப்பினா்களுக்கான தோ்தல் நடைபெற்றது.
தோ்தலை முன்னிட்டு மாநகராட்சி வருவாய் அலுவலா் கே.பி.பானுசந்தா் வாக்குச்சாவடிகளைப் பாா்வையிட்டாா். இத்தோ்தலில் மொத்தம் 35, 588 போ் வாக்களிக்க தகுதி பெற்றிருந்தாலும், போட்டியின்றி தோ்வானவா்கள் பகுதி வாக்களிப்பவா்களைத் தவிா்த்து 33,389 போ் வியாழக்கிழமை வாக்களிக்க அனுமதிக்கப்பட்டனா். வாக்குப்பதிவை அடுத்து வெள்ளிக்கிழமை (ஜூன் 27) வாக்கு எண்ணிக்கை நடைபெறுகிறது.
