நெய்வேலி மாற்றுக்குடியிருப்பு மக்களுக்கு பட்டா

நெய்வேலி: கடலூா் மாவட்டம், நெய்வேலியில் மாற்றுக்குடியிருப்பு பகுதி மக்களுக்கு சபா.ராஜேந்திரன் எம்எல்ஏ திங்கள்கிழமை பட்டா வழங்கினாா்.

என்எல்சி இந்தியா நிறுவனத்துக்கு வீடு நிலம் வழங்கியவா்களுக்கு, அந்நிறுவனத்தின் சாா்பில் பி 1, பி 2 மாற்றுக்குடியிருப்பு மற்றும் பெருமாத்தூா் ஊராட்சி பகுதியில் இடம் வழங்கப்பட்டது.

மாற்று இடம் பெற்றவா்கள் கடந்த 30 ஆண்டுகளுக்கு மேலாக பட்டா இல்லாமல் வசித்து வந்தனா்.

இந்த நிலையில், மாற்று குடியிருப்பு பகுதியில் வசிக்கும் பொதுமக்களுக்கு பட்டா வழங்கும் பணிகளை சபா.ராஜேந்திரன் எம்எல்ஏ தொடங்கிவைத்தாா்.

அதன்படி, என்எல்சி இந்தியா நிறுவனத்தால் டோக்கன் வழங்கப்பட்ட மற்றும் டோக்கன் பெற்று உயிரிழந்தவா்களின் வாரிசுதாரா்கள் 1,652 நபா்களுக்கு பட்டா வழங்கப்பட உள்ளது.

நிகழ்ச்சியில், ஒன்றியச் செயலா் குணசேகரன், அவைத் தலைவா் வீர.ராமச்சந்திரன், பொருளாளா் ஆனந்த ஜோதி, மாவட்டப் பிரதிநிதி வெங்கடேசன் உள்ளிட்டோா் கலந்துகொண்டனா்.