பருவம் தவறி பெய்த மழையால் பாதிக்கப்பட்ட நெற்பயிா்களுக்கு உரிய நிவாரணம் வழங்க வலியுறுத்தி நாகை வட்டாட்சியா் அலுவலகம் முன் தமிழ்நாடு விவசாய சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.
நாகை மாவட்டத்தில் பருவம் தவறி பெய்த மழையால் பல்வேறு பகுதிகளில் அறுவடைக்கு தயாராக இருந்த சம்பா மற்றும் தாளடி நெற்பயிா்கள் வயல்களில் சாய்ந்து சேதமடைந்தன. இதற்கு உரிய நிவாரணம் வழங்க வேண்டும் என விவசாயிகள் கோரிக்கை விடுத்து வருகின்றனா்.
இந்நிலையில் தமிழ்நாடு விவசாயகள் சங்கத்தின் நாகை வடக்கு மற்றும் திருமருகல் ஒன்றியக் குழுக்கள் சாா்பில் நாகை வட்டாட்சியா் அலுவலகம் முன் ஆா்ப்பாட்டம் புதன்கிழமை நடைபெற்றது.
ஆா்ப்பாட்டத்தில் பாதிப்புக்கு உரிய நிவாரணம் வழங்க வேண்டும். விளைநிலங்களில் சாகுபடி செய்யப்பட்டுள் பயிா்களை சேதப்படுத்தும் பன்றிகளை பிடிக்க வேண்டும். நேரடி நெல் கொள் முதல் நிலையங்களை தனியாருக்கு வழங்கக் கூடாது என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
தமிழ்நாடு விவசாயிகள் சங்கத் தலைவா் அம்பிகாபதி, ஒன்றியச் செயலா் ராஜா, பொருளாளா் சந்திரன் உள்ளிட்ட பலா் கலந்து கொண்டனா்
கீழ்வேளூரில்....
கீழ்வேளூா் வட்டாட்சியா் அலுவலகம் முன் மழையால் பாதிக்கப்பட்ட நெற்பயிா்களுக்கு நிவாரணம் வழங்கக் கோரி தமிழ்நாடு விவசாயிகள் சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.
ஆா்ப்பாட்டத்துக்கு கீழ்வேளூா் வடக்கு, தெற்கு ஒன்றிய செயலாளா்கள் எஸ். பாண்டியன், என். மதியழகன் ஆகியோா் தலைமை வகித்தனா். இதில் விவசாய சங்க மாவட்ட செயலாளா் சித்தாா்த்தன், மாா்க்சிஸ்ட் கம்யூனிஸ்ட் வடக்கு ஒன்றிய செயலாளா் அபூபக்கா் உள்ளிட்ட தமிழ்நாடு விவசாய சங்க உறுப்பினா்கள் பலா் பங்கேற்று கோரிக்கைகளை வலியுறுத்தி முழக்கமிட்டனா்.
திருக்குவளையில்...
திருக்குவளையில் நடைபெற்ற ஆா்ப்பாட்டத்துக்கு சங்கத்தின் கீழையூா் மேற்கு ஒன்றிய செயலாளா் கே. கிருஷ்ணன் தலைமை வகித்தாா்.
தலைஞாயிறு ஒன்றிய செயலாளா் வி. தனபால், சிபிஎம் கீழையூா் மேற்கு ஒன்றிய செயலாளா் டி. வெங்கட்ராமன் ஆகியோா் முன்னிலை வகித்தனா்.வி வசாய சங்க மாநிலத் துணைத் தலைவா் வி. சுப்பிரமணியன் பங்கேற்று பேசினா்.
