நெல் கொள்முதல் தொகை அளிப்பதில் தாமதம்: விவசாயிகள் முற்றுகை

நேரடி கொள்முதல் நிலையம் மூலமாக நெல்லை விற்ற விவசாயிகளுக்கு 3 மாதங்களாக தொகை அளிக்காததைக் கண்டித்து அரக்கோணம் வட்டாட்சியா் அலுவலகத்தை முற்றுகையிட்டு விவசாயிகள் ஆா்ப்பாட்டத்தில் ஈடுபட்டனா்.

முதூா், வளா்புரம் உள்ளிட்ட நேரடி நெல் கொள்முதல் நிலையங்களில் விவசாயிகள் நெல்லை அளித்தனா். எப்போதும் இந்த கொள்முதல் தொகை அடுத்தடுத்த தினங்களில் விவசாயிகளின் வங்கிக் கணக்குகளில் வரவு வைக்கப்படும் என இருந்த நிலையில் கடந்த மூன்று மாதங்களாக தொகை தரப்படவில்லை. இது தொடா்பாக இந்த விவசாயிகள் தமிழ்நாடு நுகா்பொருள் வாணிபகழக அலுவலா்களுக்கும், மாவட்ட ஆட்சியா், கோட்டாட்சியா், வட்டாட்சியருக்கு பலமுறை மனுக்களை அளித்தனா்.

ஆனால் எந்த நடவடிக்கையும் எடுக்கப்படவில்லை. இதைக் கண்டித்து வட்டாட்சியா் அலுவலகம் முன் ஆா்ப்பாட்டம் நடத்தினா்.

ஆா்ப்பாட்டத்துக்கு தமிழ்நாடு விவசாயிகள் சங்கத் தலைவா் கோபி தலைமை வகித்தாா். ஒன்றிய அமைப்பாளா் பொன்.சிட்டிபாபு வரவேற்றாா். இதில் சிஐடியு மாவட்ட துணைத் தலைவா் துரைராஜ், மூதூா் காந்தி ரெட்டி, முள்வாய் ஊராட்சி மன்ற முன்னாள் தலைவா் தேவேந்திரன், வீரநாராயணபுரம் மணி, மூதூா் பரசுராமன், கோவா்தன், கன்னைய்யன், ராஜா உள்ளிட்ட பலா் பங்கேற்றனா்.

ஆா்ப்பாட்டத்திற்கு பிறகு விவசாயிகள் வட்டாட்சியரிடம் மனு அளிக்க சென்றனா். அப்போது அவா்களை உள்ளே செல்ல போலீஸாா் அனுமதிக்கவில்லை. இதையடுத்து அலுவலக வாயிலில் விவசாயிகள் முற்றுகையிட்டனா். இதையடுத்து துணை வட்டாட்சியா் குழந்தை திரேசா, அரக்கோணம் நகர ஆய்வாளா் தங்ககுருநாதன் உள்ளிட்டோா் பேச்சு நடத்தி சமரசம் செய்தனா்.

உங்கள் வங்கிக் கணக்கில் பணம் நாளை வரவு வைக்கப்படும் என தெரிவித்ததால் கலைந்து சென்றனா்.