விளையாட்டு வீரா்களை அடிப்படை அளவில் இருந்து ஆராய்ந்து அவா்களை மேம்படுத்துவதற்காக ஏற்படுத்தப்பட்ட மத்திய அரசின் முதன்மையான திட்டங்களில் ஒன்றான கேலோ இந்தியா திட்டம் மிகப்பெரிய பலனை அளித்துள்ளது. அதை அடிப்படையாகக் கொண்டு அந்தத் திட்டத்துக்கான நிதி ஒதுக்கீடு ரூ.351.98 கோடியாக உயா்த்தப்பட்டுள்ளது.
மத்திய பட்ஜெட்டில் இந்த லட்சிய திட்டத்துக்கு 2025-26 நிதியாண்டுக்கு ரூ. 1,000 கோடி ஒதுக்கப்பட்டுள்ளது. இது 2024-25 ஆம் ஆண்டு ஒதுக்கீடு செய்யப்பட்டதைவிட ரூ. 200 கோடி அதிகம்.
அதன்படி ஒட்டுமொத்தமாக, விளையாட்டு மற்றும் இளைஞா் விவகாரங்கள் அமைச்சகத்துக்கு மொத்தம் ரூ. 3,794.30 கோடி ஒதுக்கப்பட்டுள்ளது.
இன்னும் ஓராண்டில் ஒலிம்பிக், காமன்வெல்த், ஆசிய விளையாட்டுப் போட்டிகள் போன்ற பெரிய நிகழ்வு எதுவும் இல்லை என்பதைக் கருத்தில் கொண்டு நிதி ஒதுக்கீடு கணிசமாக உயா்த்தப்பட்டுள்ளது.
மேலும், தேசிய விளையாட்டு கூட்டமைப்புகளுக்கு நிதியுதவி வழங்குவதற்காக ஒதுக்கப்பட்ட தொகையும் ரூ. 340 கோடியிலிருந்து ரூ. 400 கோடியாக உயா்த்தப்பட்டுள்ளது.
2036 ஒலிம்பிக் போட்டிகளை நடத்துவதற்கான முழு முயற்சியில் இந்தியா தற்போது ஈடுபட்டுள்ளது. இதற்காக சா்வதேச ஒலிம்பிக் குழுவிடம் விருப்பக் கடிதமும் சமா்ப்பித்துள்ளது.
நாடு முழுவதும் விளையாட்டு அரங்கங்களைப் பராமரிப்பது மற்றும் பயன்படுத்துவது இந்திய விளையாட்டு ஆணையத்தின் பொறுப்பாகும். அதன்படி, தேசிய முகாம்கள் மற்றும் விளையாட்டு வீரா்களின் பயிற்சிகளை மேம்படுத்துவதற்காக இந்திய விளையாட்டு ஆணையத்துக்கான ஒதுக்கீடு ரூ. 815 கோடியிலிருந்து ரூ. 830 கோடியாக உயா்த்தப்பட்டுள்ளது.
இதேபோல், இந்த நிதியாண்டில் தேசிய ஊக்கமருந்து சோதனை ஆய்வகத்துக்கு ரூ. 23 கோடி ஒதுக்கப்பட்டுள்ளது. 2024-25-ஆம் ஆண்டில் ரூ.18.70 கோடி வழங்கப்பட்டது.
தேசிய ஊக்க மருந்து எதிா்ப்பு அமைப்புக்கான பட்ஜெட் ஒதுக்கீடு ரூ.20.30 கோடியிலிருந்து ரூ. 24.30 கோடியாக உயா்த்தப்பட்டுள்ளது.
1998-ஆம் ஆண்டு உருவாக்கப்பட்ட தேசிய விளையாட்டு மேம்பாட்டு நிதியத்துக்கான பங்களிப்பு, தொடா்ந்து 2-ஆவது ஆண்டாக ரூ. 18 கோடியாக தொடரும். அதே நேரத்தில் விளையாட்டு வீரா்களுக்கான ஊக்கத் தொகை மானியத்தை இந்த ஆண்டு ரூ. 42.65 கோடியிலிருந்து ரூ. 37 கோடியாகக் குறைக்க அரசு முடிவு செய்துள்ளது.
இளைஞா் மற்றும் இளம் பருவத்தினா் மேம்பாட்டுக்கான தேசியத் திட்டம் மற்றும் இளைஞா் விடுதிகளுக்கான நிதியில் எந்தவித அதிகரிப்பு இல்லை. இருப்பினும், பலதரப்பு அமைப்புகள் மற்றும் இளைஞா் பரிமாற்றத் திட்டங்களுக்கான பங்களிப்பு ரூ.11.70 கோடியிலிருந்து ரூ.55 கோடியாக உயா்த்தப்பட்டுள்ளது.
ஜம்மு காஷ்மீரில் விளையாட்டு வசதிகளை மேம்படுத்துவதற்காக ரூ. 20 கோடி நிதி அனுமதிக்கப்பட்டுள்ளது. இது முந்தைய ஆண்டைவிட ரூ.14 கோடி அதிகம் ஆகும்.
