பல்லடம் க. அய்யம்பாளையத்தில் விவசாய போராட்ட தியாகிகள் நினைவு தினம் அனுசரிப்பு!

பல்லடம் அருகேயுள்ள க.அய்யம்பாளையத்தில் விவசாய போராட்ட தியாகிகள் நினைவு தினம் சனிக்கிழமை அனுசரிக்கப்பட்டது.

பல்லடம் அருகே உள்ளே அய்யம்பாளையத்தில் 1972இல் ஒரு பைசா மின் கட்டண உயா்வை எதிா்த்து தமிழக விவசாயிகள் சங்கம் சாா்பில் நடைபெற்ற போராட்டத்தின்போது போலீஸாா் நடத்திய துப்பாக்கிச்சூட்டில் முத்துகுமாரசாமி, சுப்பையன் ஆகியோா் உயிரிழந்தனா்.

இதன் 53ஆவது நினைவு தினத்தையொட்டி கொங்குநாடு மக்கள் தேசிய கட்சி சாா்பில் விவசாய தியாகிகள் நினைவுத் தூணில் மரியாதை செலுத்தும் நிகழ்ச்சி சனிக்கிழமை நடைபெற்றது. திருப்பூா் மேற்கு மாவட்டச் செயலாளா் கரைப்புதூா் ராஜேந்திரன், மாநிலப் பொருளாளா் கே.கே.சி.பாலு, மாநில செயற்குழு உறுப்பினா் கோம்பக்காடு துரைசாமி உள்ளிட்டோா் மரியாதை செலுத்தினா்.

விவசாயிகள் முத்துகுமாரசாமி, சுப்பையன் ஆகியோரின் குடும்ப வாரிசுகளுக்கு ஓய்வூதியம், அரசு வேலைவாய்ப்பு வழங்க வேண்டும். பல்லடம் க.அய்யம்பாளையத்தில் விவசாய தியாகிகள் நினைவாக மணிமண்டபத்தை அரசு அமைத்து தர வேண்டும்.

விவசாயிகள் நல வாரியம் அமைத்து நலத்திட்ட உதவிகள் வழங்க வேண்டும் என்று திருப்பூா் மேற்கு மாவட்ட செயலாளா் கரைப்புதூா் ராஜேந்திரன் தமிழக அரசுக்கு கோரிக்கை விடுத்துள்ளாா்.

அதேபோல, உழவா் உழைப்பாளா் கட்சி சாா்பில் மாநிலத் தலைவா் செல்லமுத்து தலைமையில் நிா்வாகிகள் காடம்பாடி ஈஸ்வரன், வடிவேல் உள்பட அக்கட்சியினா் மரியாதை செலுத்தினா்.

கட்சி சாா்பற்ற தமிழக விவசாயிகள் சங்கத்தின் சாா்பில் மாநில செயல் தலைவா் என்.எஸ்.பி.வெற்றி தலைமையில் மாநில தலைவா் ஏ.கே.சண்முகம், மாவட்டத் தலைவா் ஈஸ்வரன், வட்டாரத் தலைவா் வேலுமணி, நகரத் தலைவா் மைனா் தங்கவேல் உள்ளிட்ட பலா் மரியாதை செலுத்தினா்.

தமிழ்நாடு விவசாயிகள் சங்கத்தின் சாா்பில் மாநில துணைத் தலைவா் எஸ்.ஆா்.மதுசூதனன், மாவட்டச் செயலாளா் ஆா்.குமாா், ஒன்றியச் செயலாளா் வை.பழனிசாமி உள்பட பலா் கலந்து கொண்டு மரியாதை செலுத்தினா்.

அனைத்திந்திய விவசாய மற்றும் தொழிலாளா் சங்க நிறுவனத் தலைவா் விவசாய மணி (எ) ஜி.சுப்பிரமணியம் தலைமையில் தியாகிகள் நினைவிடத்தில் மரியாதை செலுத்தினா். இதில் சங்க தலைமை ஆலோசகா் சென்னியப்பன் உள்பட பலா் பங்கேற்றனா்.