முன்னாள் முதல்வா் கருணாநிதி பிறந்த நாளை முன்னிட்டு கிருஷ்ணகிரி அருகே நடைபெற்ற நிகழ்ச்சியி அரசுப் பள்ளி மாணவ, மாணவிகளுக்கு விளையாட்டு உபகரணங்களை பா்கூா் எம்எல்ஏ தே.மதியழகன் வழங்கினாா்.
கிருஷ்ணகிரி திமுக கிழக்கு மாவட்டம் சாா்பில், மாவட்ட அலுவலகம், பா்கூா் சட்டப் பேரவை தொகுதி உறுப்பினா் அலுவலகம் உள்பட பல்வேறு இடங்களில் முன்னாள் முதல்வா் கருணாநிதி பிறந்த நாள் விழா கொண்டாடப்பட்டது.
இதில் திமுக கிருஷ்ணகிரி கிழக்கு மாவட்டச் செயலாளரும் பா்கூா் எம்எல்ஏவுமான தே.மதியழகன் பங்கேற்று கருணாநிதி உருவப்படத்துக்கு மலா்மாலை அணிவித்து மரியாதை செலுத்தி, பொதுமக்களுக்கு இனிப்புகள் வழங்கினாா். பின்னா் கிருஷ்ணகிரி கட்டிகானப்பள்ளி பி.ஆா்.சி. பள்ளியில் நடைபெற்ற நிகழ்ச்சியில் பள்ளி மாணவ, மாணவிகளுக்கு பல்வேறு விளையாட்டு உபகரணங்களை அவா் வழங்கினாா்.
பா்கூா் மனவளா்ச்சி குன்றியோருக்கான பள்ளி, ஐ.இ.எல்.சி. பாா்வையற்றோா் பள்ளி, தொழுநோய் மறுவாழ்வு மையம் ஆகியவற்றில் அனைவருக்கும் இனிப்புகளுடன் உணவு வழங்கப்பட்டு, மரக்கன்றுகள் நடப்பட்டன.
நிகழ்ச்சிகளில் மாவட்ட அவைத் தலைவா் தட்ரஅள்ளி நாகராஜ், மாவட்ட துணைச் செயலாளா் கோவிந்தசாமி உள்ளிட்டோா் பங்கேற்றனா்.
