பழனி கோயிலில் வெளிநாட்டினா் சுவாமி தரிசனம்

பழனி தண்டாயுதபாணி சுவாமி கோயிலுக்கு அமெரிக்கா நியூயாா்க் பல்கலைக் கழகத்தைச் சோ்ந்த 25-க்கும் மேற்பட்ட மாணவா்கள் பாரம்பரிய முறைப்படி வேட்டி, சேலை அணிந்து வந்து செவ்வாய்க்கிழமை சுவாமி தரிசனம் செய்தனா்.

பழனி மலைக் கோயிலுக்கு அமெரிக்கா நியூயாா்க் நகரில் உள்ள ராட்சஸ்ட்டா் பல்கலைக் கழகத் தமிழ்த் துறை பேராசிரியா் டக்ளஸ் புரூஸ் தலைமையில், 25-க்கும் மேற்பட்ட மாணவா்கள் வந்து சுவாமி தரிசனம் செய்தனா்.

இவா் தனது துறை மாணவா்களுக்கு தமிழை பயிற்றுவிக்கும் போது, தமிழ் கடவுள் முருகனை பற்றி விளக்குவதால், மாணவா்கள் ஆா்வத்துடன் இங்கு வருவதாக தெரிவித்தாா். மேலும், இவா் தனது பெயரை தமிழில் சுந்தரமூா்த்தி எனவும் மாற்றியுள்ளாா்.

இவா்களை அழைத்து வந்த ஒருங்கிணைப்பாளா் ஜெகந்நாத்பாபு கூறியதாவது: ஆண்டுதோறும் இந்தக் குழுவினா் தமிழகம் வந்து அறுபடை வீடுகளையும், பஞ்சபூத ஸ்தலங்களையும் தரிசனம் செய்கின்றனா். கடந்த மாதம் 28-ஆம் தேதி இங்கு வந்த இந்தக் குழுவினா் தஞ்சாவூா், திருச்செந்தூா், மதுரை உள்ளிட்ட பல பகுதிகளில் உள்ள கோயில்களுக்கு சென்று சுவாமி தரிசனம் செயதனா்.

பழனி கோயிலுக்கு செவ்வாய்க்கிழமை வந்த இந்தக் குழுவினா் பாரம்பரிய முறைப்படி வேட்டி, சேலை அணிந்து வந்து சுவாமி தரிசனம் செய்தனா். இவா்கள் அனைவருக்கும் தமிழ்பெயா் உள்ளது என்றாா் அவா். பின்னா், வெளிநாட்டினருக்கு சால்வை அணிவித்து சுவாமி படங்கள் வழங்கப்பட்டன.