குற்றவாளிகளைப் பிடிக்க முயன்ற காவல் அதிகாரி மின்சாரம் பாய்ந்து பலி!
இத்தாலியன் ஓபன் மகளிா் ஒற்றையா் இறுதிச்சுற்றில் அமெரிக்காவின் கோகோ கௌஃப் - இத்தாலியின் ஜாஸ்மின் பாலினி ஆகியோா் பலப்பரீட்சை நடத்தவுள்ளனா்.
முன்னதாக அரையிறுதிச்சுற்றில், போட்டித்தரவரிசையில் 4-ஆம் இடத்திலிருக்கும் கௌஃப் 7-6 (7/3), 4-6, 7-6 (7/4) என்ற செட்களில், போட்டித்தரவரிசையில் 8-ஆம் இடத்திலிருந்த சீனாவின் கின்வென் ஜெங்கை 3 மணி நேரம், 32 நிமிஷங்கள் போராடி தோற்கடித்தாா். கௌஃபின் டென்னிஸ் வாழ்க்கையில் இதுவே அவரின் நீண்ட நேர ஆட்டமாக அமைந்தது குறிப்பிடத்தக்கது.
கௌஃப் - கின்வென் 3-ஆவது முறையாக சந்தித்துள்ள நிலையில், கௌஃப் தனது ஹாட்ரிக் வெற்றியைப் பதிவு செய்திருக்கிறாா். இந்த வெற்றியின் மூலமாக இத்தாலியன் ஓபன் போட்டியில் முதல் முறையாக இறுதிச்சுற்றுக்கு முன்னேறியிருக்கும் கௌஃப், இந்தப் போட்டியில் கடந்த 9 ஆண்டுகளில் இறுதிக்கு வந்த முதல் அமெரிக்க வீராங்கனை என்ற பெருமையைப் பெற்றாா். இதற்கு முன் 2016-இல் அமெரிக்காவின் செரீனா வில்லியம்ஸ் அவ்வாறு இறுதிக்கு வந்து சாம்பியனாகியது நினைவுகூரத்தக்கது.
இதற்கு முன் இத்தாலியன் ஓபனில் 2 முறை அரையிறுதியுடன் வெளியேறிய கௌஃப், அதில் ஒரு செட்டை கூட கைப்பற்றவில்லை என்பது குறிப்பிடத்தக்கது.
இதனிடையே, மற்றொரு அரையிறுதியில், போட்டித்தரவரிசையில் 6-ஆம் இடத்திலிருக்கும் ஜாஸ்மின் பாலினி 7-5, 6-1 என்ற நோ் செட்களில் எளிதாக, அமெரிக்காவின் பெய்டன் ஸ்டொ்ன்ஸை 1 மணி நேரம், 39 நிமிஷங்களில் வெளியேற்றினாா்.
இதன் மூலம், இத்தாலியன் ஓபனில் இறுதிச்சுற்றுக்கு வந்த 3-ஆவது உள்நாட்டு வீராங்கனை ஆகியிருக்கிறாா் பாலினி. கடந்த 11 ஆண்டுகளில் இந்தப் போட்டியின் இறுதிச்சுற்றுக்கு வந்த முதல் இத்தாலி வீராங்கனையும் அவரே.
நேருக்கு நோ்: இதையடுத்து இறுதிச்சுற்றில் கௌஃப் - பாலினி மோதுகின்றனா். இருவரும் இதுவரை 3 முறை சந்தித்திருக்க, கௌஃப் 2 வெற்றிகளுடன் முன்னிலை வகிக்கிறாா். பாலினியின் ஒரே வெற்றி களிமண் தரை போட்டியிலானதாக இருக்க, இந்த இத்தாலியன் ஓபனும் அந்த வகையிலானது என்பது குறிப்பிடத்தக்கது.
அரையிறுதியில் சின்னா்: இதனிடையே, இப்போட்டியின் ஆடவா் ஒற்றையா் காலிறுதியில், உலகின் நம்பா் 1 வீரரான இத்தாலியின் யானிக் சின்னா் 6-0, 6-1 என்ற நோ் செட்களில், போட்டித்தரவரிசையில் 6-ஆம் இடத்திலிருந்த நாா்வேயின் கேஸ்பா் ரூடை மிக எளிதாக தோற்கடித்தாா். அரையிறுதியில் அவா், அமெரிக்காவின் டாமி பாலை சந்திக்கிறாா்.
