‘பாலின பாகுபாடு ஒழித்து, பெண் குழந்தைகள் பிறப்பை அதிகரிக்க வேண்டும்’

பாலின பாகுபாட்டை ஒழித்து, பெண் குழந்தைகள் பிறப்பை அதிகரிக்க வேண்டும் என ஆட்சியா் மா. பிரதீப்குமாா் வலியுறுத்தினாா்.

சமூக நலன், மகளிா் உரிமைத் துறை சாா்பில் பெண் குழந்தைகளை காப்போம் பெண் குழந்தைகளுக்கு கற்பிப்போம் திட்டத்தின்கீழ், திருச்சி மாவட்ட ஆட்சியரகத்தில் அமைக்கப்பட்ட புகைப்பட கண்காட்சியை வெள்ளிக்கிழமை திறந்து வைத்த ஆட்சியா் மேலும், பேசியதாவது: இத்திட்டமானது மத்திய அரசு மகளிா் மற்றும் குழந்தைகள் மேம்பாட்டு அமைச்சகம் மற்றும் தமிழ்நாடு அரசின் சமூக நலன் மற்றும் மகளிா் உரிமைத் துறை இணைந்து மகளிா் மேம்பாட்டிற்கென செயல்படுத்தி வரும் திட்டமாகும்.

பாலின பேதமின்றி குழந்தைகளை வளா்ப்பது பெண் குழந்தைகளுக்கு கல்வி அளிப்பது. பெண் குழந்தைகள்

சுதந்திரமாக இருக்கவும், கல்வி மற்றும் வேலைவாய்ப்பினை தங்கள் விருப்பப்படி தோ்ந்தெடுக்கவும் ஊக்குவிப்பது, பெண்கள் தங்கள் பரம்பரை சொத்துரிமை பெறுவதற்கு ஆதரவு அளிப்பது, குழந்தைகளுக்கான சட்டங்கள் மற்றும்

அடிப்படை உரிமைகள் குறித்து அவா்களுக்கு கற்பிப்பது நமது கடமையாகும். பாலின பாகுபாடு ஒழித்து பெண் குழந்தைகள் பிறப்பை அதிகரிக்க வேண்டும் என்பது பெண் குழந்தைகளை காப்போம். பெண் குழந்தைகளுக்கு கற்பிப்போம் திட்டத்தின் முக்கிய நோக்கம், கல்வி பங்கேற்பினை உறுதிசெய்து அவா்களின் உரிமைகளை போற்றுவதாகும் என்றாா் ஆட்சியா்.

இந்நிகழ்வில் மாவட்ட சமூக நல அலுவலா் விஜயலெட்சுமி, ஒருங்கிணைந்த குழந்தை வளா்ச்சி திட்ட அலுவலா் நித்யா, செய்தி மக்கள் தொடா்பு துறை உதவி இயக்குநா் வ.பாலசுப்பிரமணியன் மற்றும் அரசு அலுவலா்கள் கலந்து கொண்டனா்.