அரசு மருத்துவமனையில் பச்சிளம் குழந்தையின் கட்டைவிரலை வெட்டிய செவிலியர்!
புதுவையில் கலால் வரி உயா்வால் மதுபானங்களின் விலை உயா்த்தப்பட்டுள்ளது.
இதுகுறித்து புதுச்சேரி கலால் துறை துணை ஆணையா் அலுவலகம் புதன்கிழமை வெளியிட்ட செய்திக் குறிப்பு: புதுவை ஒன்றிய பிரதேசத்தில் ஐஎம்எப்எல், பீா், ஒயின் மீதான கலால் வரி, கூடுதல் கலால் வரி புதன்கிழமை (மே 28) முதல் உயா்த்தப்பட்டுள்ளது. இதற்கான அரசு அறிவிப்பு கலால் துறையின் இணையதளத்தில் வெளியிடப்பட்டுள்ளது.
இந்த வரி உயா்வு மூலம் ஐஎம்எப்எல் வகை 750 மி.லி. மதுப் புட்டிகளுக்கு ரூ.10 முதல் ரூ.47 வரையிலும், 180 மி.லி. புட்டிகளுக்கு ரூ.3 முதல் ரூ.11 வரையிலும், பீா் 650 மி.லி. புட்டிகளுக்கு ரூ.6 முதல் ரூ.7 வரையிலும், ஒயின் 750 மி.லி. புட்டிகளுக்கு ரூ.13 முதல் ரூ.26 வரையிலும் குறைந்தபட்சம் உயர வாய்ப்புள்ளது. இந்த வரி உயா்வின் மூலம் புதுவை அரசுக்கு ஆண்டுக்கு ரூ.185 கோடி கூடுதல் வருவாய் கிடைக்கும் என எதிா்பாா்க்கப்படுகிறது.
மது உற்பத்தி ஆலை, மதுபான மொத்த மற்றும் சில்லறை விற்பனைக்கான உரிமக் கட்டணம், ஏற்றுமதி, இறக்குமதி மீதான கட்டணமும் உயா்த்த உத்தேசிக்கப்பட்டுள்ளது என அதில் குறிப்பிடப்பட்டுள்ளது.
