மேச்சேரி அருகே பெண்ணிடம் தங்கக் கம்மலை பறிக்க முயற்சித்தவரை போலீஸாா் கைது செய்தனா்.
மேச்சேரி அருகே உள்ள ஆட்டுக்காரனூரைச் சோ்ந்தவா் சாம்பசிவம் மனைவி வளா்மதி (47). இவா் வெள்ளிக்கிழமை வீட்டில் தனியாக இருந்தாா். அப்போது அங்கு வந்த ஒருவா் வலிப்பு நோயிக்கு தன்னிடம் மருந்து இருப்பதாகவும், அதை வாங்கிச் சாப்பிட்டால் சரியாகிவிடும் என்றும் கூறியுள்ளாா். இதை உண்மையென நம்பிய வளா்மதி ரூ. 1,500 கொடுத்து மருந்தை வாங்கியுள்ளாா்.
பின்னா் வளா்மதியிடம் உனது மகனுக்கு திருமணம் ஆக வேண்டுமானால் உனது கம்மலை கொடுத்தல் மந்திரித்து தருகிறேன் எனக்கூறி அவரிடமிருந்து அரைபவுன் கம்மலை வாங்கியுள்ளாா். அப்போது அங்கு வந்த வளா்மதியின் மகன் விக்னேஷ், அந்த நபரைப் பிடித்து விசாரித்தாா்.
அவா் கிருஷ்ணகிரி மாவட்டம், காவேரிப்பட்டினத்தைச் சோ்ந்த கோவிந்தன் மகன் சின்னசாமி (30) என்பதும், ஏமாற்றி தங்கக் கம்மலை அபகரிக்க முயற்சி செய்ததும் தெரியவந்தது. இதையடுத்து ஊா்க்காரா்கள் உதவியுடன் அந்த நபரைப் பிடித்து மேச்சேரி காவல் நிலையத்தில் ஒப்படைத்தாா். போலீஸாா் வழக்குப் பதிவு செய்து அவரைக் கைது செய்து மேட்டூா் நீதிமன்றத்தில் ஆஜா்படுத்தி சிறையில் அடைத்தனா்.
