ஈரோட்டில் இருசக்கர வாகனத்தில் சென்ற பெண்ணிடம் 5 பவுன் நகைப் பறித்த வழக்கில் இரு இளைஞா்களை போலீஸாா் வெள்ளிக்கிழமை கைது செய்தனா்.
ஈரோடு முத்தம்பாளையம் பகுதியைச் சோ்ந்தவா் ஜெயபிரகாஷ் (45). இவா் தேமுதிக வட்டச் செயலாளராக உள்ளாா். இவரது மனைவி ஜெயசித்தாராணி (40). இவா் ஈரோடு ஆசிரியா் காலனியில் டீக்கடை நடத்தி வருகிறாா். ஜெயசித்தாராணி ஈரோடு சந்தையில் காய்கறி வாங்கி விட்டு அவரது இருசக்கர வாகனத்தில் ஆகஸ்ட் 22-ஆம் தேதி இரவு வீட்டுக்கு சென்று கொண்டிருந்தாா். சென்னிமலை சாலையில் டீசல் செட் பகுதியை கடந்து சென்றபோது, இருசக்கர வாகனத்தில் தலைக்கவசம் அணிந்து இருவா் பின் தொடா்ந்து வந்துள்ளனா்.
அப்போது, வாகனத்தின் பின்னால் அமா்ந்து இருந்த நபா், ஜெயசித்தாராணியிடம் 5 பவுன் நகையைப் பறித்துக்கொண்டு அங்கிருந்து தப்பிச்சென்றனா். இதுகுறித்து ஈரோடு தெற்கு போலீஸாா் வழக்குப் பதிவு செய்து விசாரணை நடத்தி வந்தனா்.
இதில் நகைப் பறிப்பில் ஈடுபட்டது மதுரை மாவட்டம், திருப்பரங்குன்றம் சமத்துவபுரம், பிள்ளையாா்பட்டி தெருவைச் சோ்ந்த பாண்டியன் மகன் அருண்குமாா் (28), விருதுநகா் மாவட்டம், காரியபட்டி, முடுக்கன்குளத்தைச் சோ்ந்த திருமுருகன் (28) என்பது தெரியவந்தது. இதையடுத்து அருண்குமாரை திண்டுக்கல் மாவட்டம் பழனியிலும், திருமுருகனை விருதுநகா் மாவட்டத்திலும் வெள்ளிக்கிழமை போலீஸாா் கைது அவா்களிடம் தொடா்ந்து விசாரணை நடத்தி வருகின்றனா்.
