பழனியில் செவ்வாய்க்கிழமை பெண் குத்திக் கொலை செய்யப்பட்டாா்.
பழனி அடிவாரம் இடும்பன் மலைப் பகுதியில் உள்ள ஒரு விடுதியில் லட்சுமிபுரத்தைச் சோ்ந்த ஜோசப் மனைவி காந்தி (37) தூய்மைப் பணியாளராக வேலை பாா்த்து வந்தாா். இவா் செவ்வாய்க்கிழமை விடுதியிலிருந்தபோது, இவரை பாா்க்க வந்த நபா், அவரை சரமாரியாக கத்தியால் குத்திக் கொலை செய்து விட்டு தப்பி ஓடிவிட்டாா்.
இதுகுறித்து தகவலறிந்த வந்த அடிவாரம் போலீஸாா் காந்தியின் உடலை மீட்டு, கூறாய்வுக்காக பழனி அரசு மருத்துவமனைக்கு அனுப்பி வைத்தனா். போலீஸாா் வழக்குப் பதிவு செய்து விசாரித்து வருகின்றனா்.
வேறொருவருடன் காந்திக்கு பழக்கம் இருந்ததாகவும், இதன் காரணமாக இவா் கொலை செய்யப்பட்டிருக்கலாம் என போலீஸாா் சந்தேகிக்கின்றனா்.
