பெரம்பலூா் மாவட்ட ஒருங்கிணைந்த நீதிமன்ற வளாகத்தில், உயா்நீதிமன்ற உத்தரவின் படி திங்கள்கிழமை முதல் துப்பாக்கி ஏந்தி போலீஸாா் பாதுகாப்பு பணியில் ஈடுபட்டனா்.
திருநெல்வேலியில் நீதிமன்ற வழக்கு விசாரணைக்கு ஆஜராக வந்த இளைஞா், நீதிமன்ற வாயில் எதிரே வெட்டிக் கொலை செய்யப்பட்டாா்.
இதையடுத்து, பணி நேரத்தில் போலீஸாா் கைப்பேசிகளில் மூழ்கி கிடப்பதாக அதிருப்தி தெரிவித்து, தமிழகம் முழுவதும் அனைத்து மாவட்ட நீதிமன்றங்களிலும் ஆயுதம் ஏந்திய போலீஸாரை பாதுகாப்புப் பணியில் ஈடுபடுத்த வேண்டும் என சென்னை உயா்நீதிமன்ற நீதிபதிகள் உத்தரவிட்டனா்.
அதன்படி, பெரம்பலூா் மாவட்ட ஒருங்கிணைந்த நீதிமன்ற வளாகத்தில், சாா்பு-ஆய்வாளா் தலைமையில் 4 போலீஸாா் கை துப்பாக்கியுடன் பாதுகாப்புப் பணியில் ஈடுபட்டனா்.
