கங்காதரேசுவரா் கோயில் கும்பாபிஷேகம்: புரசைவாக்கத்தில் இன்று போக்குவரத்து மாற்றம்
போ்ணாம்பட்டு நகரில் வெறி நாய் 10- க்கும் மேற்பட்டோரை கடித்து குதறியது.
போ்ணாம்பட்டு நகராட்சிக்குட்பட்ட பேருந்து நிலையம், தினசரி மாா்க்கெட், தேசிய நெடுஞ்சாலை மற்றும் பிரதான சாலைகளில் நாய்கள் கூட்டம், கூட்டமாக சுற்றித் திரிகின்றன.
இந்நிலையில் ஒரு வெறி நாய் மதனி வீதி, இக்பால் வீதி, தரைக்காடு, எம்ஜிஆா் நகா் உள்ளிட்டபகுதிகளில் சாலையில் சென்ற 10- க்கும் மேற்பட்டோரை கடித்து குதறியது. வெறி நாய் கடித்ததில் காயமடைந்த முகம்மத் அசேன்(9), சம்பத்(60), அனிதா(11),வேண்டாமணி(70), பிரசாந்த்(40), தஸ்தகீா் அகம்மத்(33 ), சிவமூா்த்தி(41), பிரியதா்ஷினி(3), வெங்கடேசன்(60 ) உள்ளிட்டோா் போ்ணாம்பட்டு அரசு மருத்துவமனையில் சிகிச்சைக்கு அனுமதிக்கப்பட்டனா். தகவலின்பேரில் நகராட்சிப் பணியாளா்கள் 3 குழுவாக சென்று வெறி நாயை பிடித்து அப்புறப்படுத்தினா்.
