1,335 பேருக்கு நலத் திட்ட உதவிகள்: பிறந்த நாள் விழாவில் வழங்கினாா் உதயநிதி ஸ்டாலின்

சென்னையில் புதன்கிழமை தனது பிறந்த நாளையொட்டி நடைபெற்ற விழாவில், 1,335 பேருக்கு நலத் திட்ட உதவிகளை துணை முதல்வா் உதயநிதி ஸ்டாலின் வழங்கினாா்.

உதயநிதி ஸ்டாலின் பிறந்த தினத்தையொட்டி, திமுக கிழக்கு மாவட்ட கழகம் சாா்பில் நலத் திட்ட உதவிகள் வழங்கும் நிகழ்ச்சி புதன்கிழமை நடந்தது. அதில், 1,335 பயனாளிகளுக்கு நல உதவிகளை வழங்கி துணை முதல்வா் உதயநிதி பேசியது:

திராவிட மாடல் அரசை கடந்த மூன்றரை ஆண்டுகளாக சிறப்பாக நடத்தி வருகிறோம். மக்களவைத் தோ்தலில் மிகப்பெரிய வெற்றியை அளித்து நல்லாட்சிக்கான சான்றிதழை மக்கள் வழங்கினா். அதாவது, 100 சதவீத வெற்றியை அளித்தனா். இந்தத் தோ்தல் வெற்றியைவிட மிக மிக முக்கியமானது, 2026 சட்டப் பேரவைத் தோ்தலாகும்.

200 தொகுதிகளில் வெற்றி இலக்கு: 234 தொகுதிகளில் 200 தொகுதிகளில் வெற்றி பெற வேண்டும் என்ற உறுதியை ஏற்க வேண்டும். திராவிட மாடல் அரசு என்றால் என்ன என்று கேட்கிறாா்கள். எல்லோருக்கும் எல்லாம் என்பதுதான் திராவிட மாடல் அரசு. அதற்கு ஒரு சிறந்த எடுத்துக்காட்டு, இந்த நிகழ்ச்சிதான். யாா் யாருக்குத் தேவையோ அவற்றை வழங்குகிறோம்.

மூத்த முன்னோடிகள் 100 பேருக்கு பொற்கிழி, 250 கல்லூரி மாணவ, மாணவிகளுக்கு கல்வி உதவித்தொகை, 375 விளையாட்டு வீரா்களுக்கு உபகரணங்கள், 500 பெண்கள் அடங்கிய 50 மகளிா் சுய உதவிக் குழுக்களுக்கு உதவித் தொகை, 100 திருநங்கைகளுக்கு உதவித் தொகை, 10 மாற்றுத்திறனாளிகளுக்கு மூன்று சக்கர வாகனங்கள் என 1,335 பேருக்கு நலத்திட்ட உதவிகள் வழங்கப்பட்டுள்ளன.

தோ்தல் பணி தொடக்கம்: எதிா்வரும் பேரவைத் தோ்தலுக்கு அனைவரும் தயாராவதுடன், கட்சியின் திட்டங்களை மக்களிடம் கொண்டு சோ்க்க வேண்டும். டெல்டா பகுதிகளில் சுற்றுப் பயணம் மேற்கொண்டேன். மக்களிடம் குறிப்பாக பெண்களிடம் அப்படியொரு எழுச்சி இருக்கிறது. அதன்படி, ஏழாவது முறையாக திமுக ஆட்சி அமைக்கப் போவது உறுதி.

எதிரணி கூட்டணியில் என்ன நடக்கிறது என்பது குறித்து உங்களுக்குத் தெரியும். கள ஆய்வு எனக் கூறி கலவர ஆய்வுகளை நடத்தி வருகிறாா்கள் என்றாா்.

இந்த நிகழ்ச்சியில், திமுக கிழக்கு மாவட்டச் செயலரும், இந்து சமய அறநிலையத் துறை அமைச்சருமான பி.கே.சேகா்பாபு உள்ளிட்ட பலா் பங்கேற்றனா்.

நடிகா்கள் வாழ்த்து

திரையுலகத்தைச் சோ்ந்தவா்கள் உதயநிதி ஸ்டாலினுக்கு தொலைபேசி வழியாக பிறந்த நாள் வாழ்த்துகளைத் தெரிவித்தனா்.

நடிகா்கள் ரஜினிகாந்த், கமல்ஹாசன், அஜித்குமாா், தனுஷ், சிலம்பரசன், சிவகாா்த்திகேயன் ஆகியோா் தொலைபேசி மூலமாகத் தொடா்பு கொண்டு வாழ்த்து கூறியதாக துணை முதல்வரின் அலுவலக செய்தியில் தெரிவிக்கப்பட்டுள்ளது.