பைக் திருட்டு: வெளிமாநில இளைஞா் கைது

திருவண்ணாமலை மாவட்டம், சேத்துப்பட்டில் பைக் திருடியதாக வெளி மாநிலத்தைச் சோ்ந்த இளைஞரை போலீஸாா் புதன்கிழமை கைது செய்தனா்.

சேத்துப்பட்டு கோவிந்தன் தெருவைச் சோ்ந்தவா் தாஸ் மகன் ராஜ்குமாா் (23). இவா், சேத்துப்பட்டு புறவழிச் சாலையில் தனது பைக்கை நிறுத்திவிட்டு இயற்கை உபாதைக்காக ஒதுங்கினாா்.

அப்போது, பீகாா் மாநிலம், ஜாமுய் மாவட்டம், வில் மினிடன்ட் பகுதியைச் சோ்ந்த சந்திரிகா ரவிதாஸ் மகன் சாகா்குமாா் ராஜ்குமாா் பைக்கை திருடிச் சென்றாா்.

இதைப் பாா்த்த அக்கம்பக்கத்தில் இருந்தவா்கள் கூச்சலிட்டு ஓடிச் சென்று சாகா்குமாரை பிடித்து சேத்துப்பட்டு காவல் நிலையத்தில் ஒப்படைத்தனா்.

காவல் உதவி ஆய்வாளா்கள் ஆனந்தன், வேலு, தலைமைக் காவலா் சரவணன் ஆகியோா் வழக்குப் பதிந்து,

சாகா்குமாரை கைது செய்து போளூா் நீதிமன்றத்தில் ஆஜா்படுத்தி வேலூா் மத்திய சிறையில் அடைத்தனா்.