ஒரே நாடு ஒரே தோ்தல் முறை ஜனநாயகத்தை சீா்குலைக்கும்: இரா. முத்தரசன்
சென்னை மாநகராட்சிப் பகுதிகளில் வசிக்கும் மக்களிடம், இந்து சமய அறநிலையத் துறை அமைச்சா் பி.கே.சேகா்பாபு வீதிகள்தோறும் சென்று கோரிக்கைகளைக் கேட்டறிந்தாா்.
சென்னை மாநகராட்சியின் 44 வாா்டுகளில் உள்ள பொதுமக்களின் குறைகளை நேரடியாகக் கேட்கும் வகையில், கடந்த 7 நாள்களாக வீதிகள்தோறும் சென்று அமைச்சா் மற்றும் மேயா் தலைமையிலான குழுவினா் ஆய்வு நடத்தி வருகின்றனா்.
இந்நிலையில் திரு.வி.க. நகா், துறைமுகம் சட்டப்பேரவை தொகுதிக்குள்பட்ட பகுதியில் வசிக்கும் பொதுமக்களிடம் அமைச்சா் சேகா்பாபு புதன்கிழமை குறைகளைக் கேட்டறிந்தாா்.
தொடா்ந்து நீரேற்று நிலையத்தை மேம்படுத்துவது, பாதாளச் சாக்கடை மூடியை புதிதாக மாற்றியமைப்பது, பாதுகாப்பில்லாமல் இருக்கும் மின்சாரப் பெட்டியை சீரமைப்பது குறித்து அலுவலா்களிடம் கேட்டறிந்தாா். விரைவில் அவற்றை சரிசெய்யுமாறும் அலுவலா்களுக்கு அமைச்சா் உத்தரவிட்டாா்.
ஆய்வின்போது, மேயா் ஆா்.பிரியா, வடக்கு வட்டார துணை ஆணையா் கட்டா ரவி தேஜா உள்ளிட்டோா் உடனிருந்தனா்.
