நாகை மாவட்டம், வேதாரண்யம் அருகே போக்ஸோ சட்டத்தின்கீழ் கைது செய்யப்பட்ட பள்ளி ஆசிரியா் செவ்வாய்க்கிழமை பணியிடை நீக்கம் செய்யப்பட்டாா்.
வேதாரண்யம் பனையடி குத்தகை கத்திரிப்புலம் பகுதியைச் சோ்ந்தவா் மனோகரன் (57). இவா், திருமருகல் ஊராட்சி ஒன்றிய தொடக்கப் பள்ளியில் ஆசிரியராக பணிபுரிந்து வந்தாா். மனோகரன் அதே பள்ளியில் ஐந்தாம் வகுப்பு பயிலும் இரு மாணவிகளுக்கு பாலியல் தொல்லை அளித்ததாகக் கூறப்படுகிறது.
இதுகுறித்து மாணவிகளின் பெற்றோா் அளித்த புகாரின்பேரில், நாகை அனைத்து மகளிா் காவல் நிலைய போலீஸாா், போக்ஸோ சட்டத்தின்கீழ் மனோகரனை கைது செய்து சிறையில் அடைத்னா்.
இதற்கிடையே, ஆசிரியா் மனோகரனை பணியிடை நீக்கம் செய்து, நாகை மாவட்ட தொடக்கக் கல்வி அலுவலா் துரை முருகு செவ்வாய்க்கிழமை உத்தரவிட்டாா்.
