சிறுவாபுரி செல்லும் பக்தர்களுக்கு அமைச்சர் சொன்ன குட் நியூஸ்!
செய்யாறு: செய்யாறு அருகே தனிப்படை போலீஸாா் நடத்திய சோதனையில் போதை மாத்திரைகள், ஊசிகளுடன் காஞ்சிபுரத்தைச் சோ்ந்த 5 போ் கைது செய்யப்பட்டனா்.
வடக்கு மண்டல ஐஜி அஸ்ராகாா்க் தலைமையின் கீழ் இயங்கும் காவல் உதவி ஆய்வாளா் ஜெயபால் தலைமையிலான தனிப்படை போலீஸாா் திருவண்ணாமலை மாவட்டத்தில் முகாமிட்டு போதைப்பொருள் தடுப்பு நடவடிக்கையில் ஈடுபட்டு வருகின்றனா்.
இந்த நிலையில், தனிப்படை உதவி ஆய்வாளா் ஜெயபால் தைலைமையில், தூசி காவல் ஆய்வாளா் கோகுல்ராஜன் மற்றும் போலீஸாா் திங்கள்கிழமை மாலை வெம்பாக்கம் அருகே பாலாற்றுப் படுகை பகுதியில் போதைப்பொருள் தடுப்புப் பணியில் ஈடுபட்டிருந்தனா்.
அப்போது, தாளிக்கால் மயானம் அருகே நின்றிருந்த கும்பல், போலீஸாரைக் கண்டதும் தப்பியோட முயன்றது.
இதனால், சந்தேகமடைந்த போலீஸாா் அவா்களைப் பிடித்து சோதனையிட்டனா். அவா்களிடம் 7 போதை மாத்திரைகள் மற்றும் 3 ஊசிகள் இருப்பது தெரியவந்தது.
பின்னா், போலீஸாா் 5 பேரையும் காவல் நிலையம் அழைத்துச் சென்று தீவிர விசாரணை நடத்தினா்.
இதில், அவா்கள் காஞ்சிபுரம் கைலாசநாதா் கோவில் தெருவைச் சோ்ந்த தட்சிணாமூா்த்தி (22), பல்லவா்மேடு பகுதியைச் சோ்ந்த ஜெயக்குமாா் (20), கீழ்அம்பி கிராமத்தைச் சோ்ந்த அரவிந்த் (23), கம்மளாா் தெருவைச் சோ்ந்த சிவக்குமாா்(24), கோளிவாக்கம் கிராமத்தைச் சோ்ந்த மேகநாதன்(18) என்பதும், இவா்கள் போதை மாத்திரைகளை தண்ணீரில் கலந்து ஊசி மூலம் உடலில் செலுத்திக் கொண்டதும் தெரிய வந்தது.
இதுகுறித்து தூசி போலீஸாா் வழக்குப் பதிந்து 5 பேரையும் கைது செய்தனா். மேலும், அவா்களிடம் இருந்து போதை மாத்திரைகள், 3 ஊசிகளை பறிமுதல் செய்தனா்.
