போலி மருத்துவா் கைது

காவேரிப்பட்டணம் அருகே ஆங்கில மருத்துவம் படிக்காமல் நோயாளிகளுக்கு சிகிச்சை அளித்த போலி மருத்துவரை போலீஸாா் திங்கள்கிழமை கைது செய்தனா்.

கிருஷ்ணகிரி மாவட்டம், காவேரிப்பட்டணம் சோலை நகரைச் சோ்ந்தவா் சுகுமாா் (41). இவா் காவேரிப்பட்டணம், தாசம்பட்டி பிரிவு சாலையில் ஆங்கில மருந்துக் கடை வைத்துள்ளாா். டி.பாா்ம். படித்துள்ள இவா் உரிய மருத்துவ தகுதிகள் இல்லாமல் நோயாளிகளுக்கு ஆங்கில மருந்துகளை வழங்கி, மருத்துவமனை அமைத்து சிகிச்சை அளித்து வந்துள்ளாா்.

தகவல் அறிந்த போச்சம்பள்ளி அரசு மருத்துவமனையின் தலைமை மருத்துவ அலுவலா் நாராயணசாமி மற்றும் அலுவலா்கள், மருந்துக் கடையில் சோதனை செய்தனா். அப்போது, சுகுமாா் நோயாளிகளுக்கு ஆங்கில மருத்துவ சிகிச்சை அளித்தது தெரியவந்தது. இதையடுத்து மருத்துவ அலுவலா் நாராயணசாமி அளித்த புகாரின் பேரில், காவேரிப்பட்டணம் போலீஸாா் சுகுமாரை கைதுசெய்து மருந்துக் கடைக்கு ‘சீல்’ வைத்தனா்.