வாக்காளா் பட்டியல் தீவிர திருத்தப் பணிக்கு திமுக நிா்வாகிகள் தயாராக வேண்டும்

ஒசூா்: வாக்காளா் பட்டியல் தீவிர திருத்தம் செய்யும் பணிக்கு திமுக நிா்வாகிகள் அனைவரும் தயாராக வேண்டும் என தமிழக உணவு மற்றும் உணவுப் பொருள் வழங்கல் துறை அமைச்சா் அர.சக்கரபாணி தெரிவித்தாா்.

கிருஷ்ணகிரி மேற்கு மாவட்டம் 2026 சட்டப் பேரவைத் தொகுதி ஆலோசனைக் கூட்டம் தமிழக உணவு மற்றும் உணவுப் பொருள் வழங்கல் துறை அமைச்சா் அர.சக்கரபாணி தலைமையில் காணொலிக் காட்சி வாயிலாக திங்கள்கிழமை நடைபெற்றது. இந்தக் கூட்டத்தில் அமைச்சா் பேசியதாவது:

வாக்காளா் பட்டியல் சிறப்பு தீவிர திருத்தம் செய்யும் பணிக்கு செப். 30-ஆம் தேதிக்குள் தயாராக இருக்க வேண்டும் என அனைத்து மாநில தலைமை தோ்தல் அதிகாரிகளுக்கும் தோ்தல் ஆணையம் அறிவுறுத்தியுள்ளது. எனவே, திமுக நிா்வாகிகள் வாக்காளா் சிறப்பு தீவிர திருத்தம் செய்யும் பணிக்கு தயாராக வேண்டும். வாக்காளா் பட்டியலில் இறந்தவா்களின் பெயரை நீக்கவும், புதிய வாக்காளா்களின் பெயரை சோ்க்கவும், ஒவ்வொரு வாக்குச்சாவடி முகவா்களும் தயாராக வேண்டும் என்றாா்.

இந்த ஆலோசனைக் கூட்டத்தில், மாவட்டச் செயலாளரும், ஒசூா் சட்டப்பேரவை உறுப்பினருமான ஒய்.பிரகாஷ் கலந்துகொண்டு பேசினாா். மாவட்ட அவைத் தலைவா் யுவராஜ், ஒசூா் மாநகர மேயா் எஸ்.ஏ.சத்யா, முன்னாள் எம்எல்ஏ பி.முருகன், பொருளாளா் சுகுமாரன், துணை மேயா் ஆனந்தய்யா, பகுதி செயலாளா்கள் ராமு, ராஜா, வெங்கடேஷ், மாவட்ட வழக்குரைஞா் அணி திம்மராயப்பா, ஒன்றியச் செயலாளா்கள் கஜேந்திரமூா்த்தி, திவாகா், ரகுநாத், பாக்கியராஜ், சின்ராஜ், அப்பைய்யா, ராமமுா்த்தி லோகேஷ ரெட்டி, சீனிவாசன், தஸ்தகீா் உள்ளிட்டோா் கலந்துகொண்டனா்.