மனித உரிமை மேம்பாடு விழிப்புணா்வு ஆவணப்படப் போட்டியில் பங்களிப்போா் எண்ணிக்கை அதிகரிப்பு

நமது சிறப்பு நிருபா்

மனித உரிமைகளை மேம்படுத்தவும், பாதுகாப்பதற்கும் உரிய விழிப்புணா்வை ஏற்படுத்தவே தேசிய மனித உரிமைகள் ஆணையத்தின் (என்ஹெச்ஆா்சி) குறும்படப் போட்டிகள் நடத்தப்படுகிறது. இந்தப் போட்டிகளில் பங்களிப்போா் எண்ணிக்கை ஆண்டுக்கு ஆண்டு அதிகரித்து வருவதாக ஆணையத்தின் தலைவா் வி.ராமசுப்பிரமணியன் தெரிவித்தாா்.

என்ஹெச்ஆா்சி கடந்த 2024- ஆம் ஆண்டில் நடத்தப்பட்ட மனித உரிமைகள் குறித்த குறும்படப் போட்டியில் வெற்றி பெற்றவா்களை கடந்த பிப். 27- ஆம் தேதி அறிவித்திருந்தது. இதில் வெற்றி பெற்ற 7 பேருக்கு விருது வழங்கும் நிகழ்வு தில்லி என்ஹெச்ஆா்சி வளாகத்தில் புதன்கிழமை நடைபெற்றது.

ஜம்மு - காஷ்மீரைச் சோ்ந்த எா். அப்துல் ரஷீத் பட் இயக்கிய ‘டூத் கங்கா- வேலிஸ் டையிங் லைஃப்லைன்’ எனக்கிற (ஹிந்தி, உருது) ஆவணப்படத்திற்கு முதல் பரிசு வழங்கப்பட்டது. இரண்டாம் மற்றும் மூன்றாம் பரிசுகளை முறையே ‘உரிமைகளுக்கான போராட்டம் (ஃபைட் ஃபாா் ரைட்ஸ்)’ என்கிற தெலுங்கு படமும், ஆா். ரவிச்சந்திரன் என்பவா் தயாரித்த ‘கடவுள்’ என்கிற தமிழ் ஆவணப் படத்திற்கும் வழங்கப்பட்டது. இவா்களுக்கு பரிசுத் தொகை, கோப்பை மற்றும் சான்றிதழ் வழங்கப்பட்டது.

மேலும், 4 குறும்படங்களுக்கு ‘ சிறப்பு பாராட்டுச் சான்றிழ்’ வழங்கப்பட்டது. இதில் தமிழகத்தைச் சோ்ந்த ஆா். செல்வத்தின் ‘வேலையில்லா பட்டதாரி’ என்கிற தமிழ் குறும்படமும் அடக்கம்.

இந்த விருதுகளை வழங்கி என்ஹெச்ஆா்சி தலைவா் நீதிபதி வி. ராமசுப்பிரமணியன் பேசுகையில் கூறியதாவது: குறுப்பிடுகையில், மனித உரிமைகளை மேம்படுத்துவதற்கும் பாதுகாப்பதற்கான விழிப்புணா்வை ஏற்படுத்தும் நோக்கத்துடனேயே ஆணையம் குறும்பட போட்டிகளை நடத்துகிறது. கடந்த ஒரு தசாப்த காலமாக திறம்பட நடத்தப்பட்டு வருகிறது. கடந்த 2015-ஆம் ஆண்டு இந்த போட்டிகள் தொடக்கப்பட்டபோது, சுமாா் 40 போட்டியாளா்கள் மட்டுமே பங்கு பெற்றனா். பத்தாவது ஆண்டில், (2024), நாட்டின் பல்வேறு பகுதிகளிலிருந்தும் 300- க்கும் மேற்பட்ட போட்டியாளா்கள் பங்கு பெற்று ஈடுபாடு காட்டியுள்ளாா்.

காஷ்மீா் முதல் கன்னியாகுமரி வரை பல்வேறு இந்திய மொழிகளில் மக்களுக்கு மனித உரிமைகளில் விழிப்புணா்வு ஏற்படுத்துவது மகிழ்ச்சியளிக்கிறது. விருது பெற்ற படங்கள் நதி நீா் மாசுபாடு, குடிநீரின் மதிப்பு, குழந்தை திருமணம், கல்வி, முதியோா் உரிமைகள், மத நடைமுறைகள் உரிமை மீறல்கள், பெண் உரிமைகள், குடும்ப வன்முறை உள்ளிட்ட பல்வேறு மனித உரிமைப் பிரச்னைகளை தொடா்பாக எடுக்கப்பட்டுள்ளது. இதற்கு எனது பாராட்டுகள். இந்த போட்டிகளில் பங்கேற்ற அனைவரும் மனித உரிமைகளுக்கான தூதா்கள் என்றாா் அவா்.

ஆணைய உறுப்பினா் நீதிபதி பித்யுத் ரஞ்சன் சாரங்கி பேசுகையில், ‘வெற்றிபெற்ற ஏழு படங்களும் வெவ்வேறு செய்திகளைக் கொண்டிருந்தது. இந்த திரைப்படங்கள் மக்களிடையே மனித உரிமைகளை மேம்படுத்துவதற்கு ஒரு பயனுள்ள ஊடகம்’‘ என்றாா்.

என்ஹெச்ஆா்சியின் மற்றொரு உறுப்பினா் விஜய பாரதி சயானி கூறுகையில், ‘விருது பெற்றவா்கள் சமூகத் தடைகளை உடைத்து, மக்களைச் சிந்திக்க, உணர, செயல்பட, அதிகாரம் அளிக்க, அயராது உழைத்துள்ளனா். அா்ப்பணிப்பு திரைப்படத் தயாரிப்பில் மட்டுமல்லாமல், சிறந்த உலகத்திற்கான ஆதரவு, தைரியமாகும்’ என்றாா்.

விருது பெற்றவா்கள் தங்கள் விருது பெற்ற குறும்படங்களை உருவாக்கியதன் பின்னணியில் உள்ள கருத்துகளை பகிா்ந்து கொண்டனா்.

இந்த நிகழ்வில் ஆணையப் பொதுச் செயலாளா் பரத்லால், இயக்குநா் லெப்டினன்ட் கா்னல் வீரேந்தா் சிங் உள்ளிட்டோா் பங்கேற்றனா்.

தேசிய மனித உரிமைகள்ஆணையம் நடத்திய மனித உரிமைகள் தொடா்பான குறும்படப் போட்டியில் வெற்றி பெற்றவா்களுக்கு தில்லியில் புதன்கிழமை நடைபெற்ற பாராட்டு விழாவில் விருது பெற்றவா்களுடன் தேசிய மனித உரிமைகள் ஆணையத்தின் தலைவா் நீதிபதி வி. ராமசுப்பிரமணியன், உறுப்பினா்கள் நீதிபதி பித்யுத் ரஞ்சன் சாரங்கி, விஜய பாரதி சயானி, பொதுச் செயலாளா் பரத் லால் உள்ளிட்டோா்.