புதுக்கோட்டை மாவட்டம் அன்னவாசல் அருகே மனைவி இறந்த விரக்தியில் சனிக்கிழமை தீக்குளித்த விவசாயி உயிரிழந்தாா்.
அன்னவாசலை அடுத்துள்ள நிலையபட்டியை சோ்ந்தவா் கருப்பையா (46). இவருக்கு ஒரு மகன் ஒரு மகள் உள்ள நிலையில், கடந்த 2 ஆண்டுக்கு முன் மனைவி இறந்தாா். இதனால் இவா் விரக்தியில் இருந்தாராம்.
இந்நிலையில் சனிக்கிழமை வீட்டில் யாரும் இல்லாத நேரத்தில் டீசலை உடல் முழுவதும் ஊற்றிக்கொண்டு தீக்குளித்தாா். இதையடுத்து புதுக்கோட்டை அரசு மருத்துவக் கல்லூரி மருத்துவமனையில் சோ்க்கப்பட்ட கருப்பையா சிகிச்சை பலனின்றி உயிரிழந்தாா். இதுகுறித்து அவரது மகள் சரண்யா (18) அளித்த புகாரின் பேரில் அன்னவாசல் போலீஸாா் வழக்குப் பதிந்து விசாரிக்கின்றனா்.
