மன்மோகன்சிங் மறைவு: விழுப்புரத்தில் காங்கிரஸாா் அஞ்சலி

மறைந்த முன்னாள் பிரதமா் மன்மோகன்சிங்கின் உருவப்படத்துக்கு விழுப்புரத்தில் காங்கிரஸ் கட்சியினா் மாலை அணிவித்து அஞ்சலி செலுத்தினா்.

விழுப்புரம் நான்குமுனை சந்திப்பு, மாவட்ட ஆட்சியரகப் பெருந்திட்ட வளாகம் முன்பகுதி ஆகிய இடங்களில் வைக்கப்பட்டிருந்த மன்மோகன்சிங் உருவப்படத்துக்கு காங்கிரஸாா் அஞ்சலி செலுத்தும் நிகழ்வு வெள்ளிக்கிழமை காலை நடைபெற்றது.

நகரத் தலைவா் செல்வராஜ் தலைமை வகித்தாா். கட்சியின் மாநில நிரந்தர அழைப்பாளா் பாலசுப்பிரமணியன், மாவட்டத் துணைத் தலைவா் ராஜ்குமாா் முன்னிலை வகித்தனா்.

தொடா்ந்து கட்சியின் நிா்வாகிகள் மன்மோகன்சிங் உருவப் படத்துக்கு மாலை அணிவித்து, 2 நிமிடங்கள் மெளன அஞ்சலியும் செலுத்தினா். இளைஞா்

காங்கிரஸ் மாவட்டத் தலைவா் ஸ்ரீராம், துணைத் தலைவா் சந்தானகிருஷ்ணன், விழுப்புரம் தொகுதித் தலைவா் பிரபாகரன், எஸ்.சி. பிரிவுத் தலைவா் சேகா், மாவட்டப் பொதுச் செயலா் விசுவநாதன், மாவட்டச் செயலா் பாரிபாபு, இளைஞா் காங்கிரஸ் பேரவைத் தொகுதி முன்னாள் தலைவா் ரமணன், ஊடகப் பிரிவுத் தலைவா் மதியழகன் அஞ்சலி செலுத்தினா்.

திண்டிவனத்தில் வடக்கு மாவட்டத் தலைவா் ஆா்.பி.ரமேஷ் தலைமையில் மன்மோகன்சிங் உருவப் படத்துக்கு அஞ்சலி செலுத்தப்பட்டது. நிகழ்வில் நகரத் தலைவா் விநாயகம், மாநிலப் பொதுக்குழு உறுப்பினா் இல. கண்ணன், மயிலம் வட்டாரத் தலைவா் செல்வம், திண்டிவனம் வெங்கட், தட்சிணாமூா்த்தி, அஜீஸ், ஊடகப்பிரிவு கோபாலகிருஷ்ணன் உள்ளிட்டோா் பங்கேற்றனா்.

செஞ்சியில்...:

செஞ்சி நான்கு முனை சந்திப்பில் வைக்கப்பட்டிருந்த மன்மோகன்சிங் உருவ படத்திற்கு செஞ்சி நகர காங்கிரஸ் தலைவா் கே.எம்.சூரியமூா்த்தி மலா் தூவி அஞ்சலி செலுத்தினாா். இந்நிகழ்ச்சியில் பொன்பத்தி சீனுவாசன், கேப்டன் முனுசாமி, டவுன் சேகா், மணியன், கோனைராஜா, ஜான்பாஷா, பெருமாள், வள்ளி, ராமச்சந்திரன், கோவிந்தன், செல்வாம்பிகை உள்ளிட்ட நிா்வாகிகள் அஞ்சலி செலுத்தினா்.

செஞ்சி பேருந்து நிலையம் எதிரே அமைக்கப்பட்டிருந்த மன்மோகன்சிங் உருவ படத்திற்கு செஞ்சி வட்டார காங்கிரஸ் கமிட்டி தலைவா் வழக்குரைஞா் சக்திவேல் தலைமையில் மலா் தூவி மரியாதை செலுத்தப்பட்டது.

இதில் வல்லம் வட்டார தலைவா் இளவழகன், விவசாய பிரிவு மாவட்ட தலைவா் அகலூா் ஜோலாதாஸ், சிறுபான்மையினா் பிரிவு சையத்மாலிக், பேச்சாளா் சம்பத், விவசாயபிரிவு அரங்க.சிவகுமாா், மாவட்ட செயலா் வேணுகோபால், அன்புசெழியன், கண்ணன் உள்ளிட்டோா் அஞ்சலி செலுத்தினா்.

விக்கிரவாண்டி, மரக்காணம், கோட்டக்குப்பம், வானூா், மயிலம், திருவெண்ணெய்நல்லூா், காணை, கண்டாச்சிபுரம், முகையூா், அரகண்டநல்லூா், ஒலக்கூா், வல்லம் என பல்வேறு பகுதிகளிலும் காங்கிரஸ் சாா்பில் அஞ்சலி செலுத்தப்பட்டது.