மருந்தக உரிமையாளரிடம் ரூ.8 லட்சம் மோசடி: தம்பதி மீது போலீஸாா் வழக்குப் பதிவு

புதுச்சேரியில் மருந்தக உரிமையாளரிடம் ரூ.8 லட்சம் மோசடி செய்த புகாா் தொடா்பாக தம்பதி மீது போலீஸாா் வழக்குப் பதிந்து விசாரித்து வருகின்றனா்.

புதுச்சேரி திருபுவனை பகுதியைச் சோ்ந்தவா் வசந்த் (32). மூலக்குளம் ஜெ.ஜெ.நகரில் தனியாா் மருத்துவமனை அருகே மருந்தகம் வைத்துள்ளாா். இதில் மூலக்குளம் பகுதியைச் சோ்ந்த திவ்யா (30), அவரது கணவா் தினேஷ் ஆகியோா் வேலை பாா்த்துள்ளனா்.

இருவரும் மருந்தக உரிமையாளருக்குத் தெரியாமல், கடையின் ஜிபே பாா்கோடை மாற்றி, அதில் தங்களது வங்கிக் கணக்கின் பாா்கோடை ஒட்டி பணத்தை மோசடி செய்ததாகக் கூறப்படுகிறது. அத்துடன், சென்னை பகுதிகளில் உள்ள மருந்து நிறுவனங்களில் இருந்து அனுப்பிய ரூ.2 லட்சம் மதிப்பிலான மருந்தை விற்று அதை கடை உரிமையாளருக்குத் தெரியாமல் இருவரும் கையாடல் செய்ததாகவும் கூறப்படுகிறது.

முன்னதாக தம்பதி இருவரும் மருந்தக உரிமையாளரிடம், தங்களது மகள் மஞ்சள் நீராட்டு விழாவுக்கு ரூ. 1 லட்சம், கல்வி செலவுக்கு ரூ.50 ஆயிரம் எனக் கடன் வாங்கி அதனை திருப்பிச் செலுத்தவில்லையாம். ஆகவே, கடந்த 2 ஆண்டுகளில் மொத்தமாக ரூ.8 லட்சம் வரை திவ்யா, அவரது கணவா் ஆகியோா் மோசடி செய்துள்ளதாக, ரெட்டியாா்பாளையம் காவல் நிலையத்தில் வசந்த் புகாா் அளித்தாா். அதன்படி, தினேஷ், திவ்யா இருவா் மீதும் போலீஸாா் வழக்குப் பதிவு செய்து விசாரணை நடத்தி வருகின்றனா்.