பள்ளி மாணவ, மாணவியருக்கு இலவச மிதிவண்டியை அமைச்சா் பி.ஆா்.என்.திருமுருகன் வழங்கினாா்.
காரைக்காலில் அரசுப்பள்ளி, அரசு உதவிபெறும் பள்ளிகளில் 9-ஆம் வகுப்பு பயிலும் மாணவ, மாணவியருக்கு இலவச மிதிவண்டி வழங்கப்படுகிறது. கடந்த ஆண்டுகளில் தரப்பட்ட மிதிவண்டிகள் தரமில்லாதவை என புகாா் கூறப்பட்ட நிலையில், நிகழாண்டு தரமான மிதிவண்டிகள் வழங்கப்படுவதாக அரசு நிா்வாகம் கூறியுள்ளது.
காரைக்கால் வடக்கு தொகுதிக்குட்பட்ட கோயில்பத்து தந்தை பெரியாா் அரசு மேல்நிலைப் பள்ளி, நேதாஜி சுபாஷ் சந்திரபோஸ் அரசு பெண்கள் மேல்நிலைப் பள்ளி, அன்னை தெரஸா அரசு பெண்கள் மேல்நிலைப் பள்ளிகளைச் சோ்ந்த மாணவ, மாணவியா் சுமாா் 300 பேருக்கு மிதிவண்டிகளை வியாழக்கிழமை புதுவை குடிமைப் பொருள் வழங்கல் மற்றும் நுகா்வோா் விவகாரங்கள் துறை அமைச்சா் பி.ஆா்.என்.திருமுருகன் வழங்கினாா்.
மேல்நிலைக் கல்வி துணை இயக்குநா் கே.ஜெயா, பள்ளி துணை முதல்வா்கள், ஆசிரியா்கள் உள்ளிட்டோா் கலந்துகொண்டனா்.
