மாணவா்களுக்கு ஏற்ற அரிசி வழங்க முதல்வரிடம் வலியுறுத்தப்படும்: எம்எல்ஏ

மாணவா்களுக்கு ஏற்றதாக மதிய உணவுக்கான அரிசி வழங்க முதல்வரிடம் பேசப்படும் என எம்.எல்.ஏ., தெரிவித்தாா்.

திருப்பட்டினம் சுவாமிநாதன் அரசு தொடக்கப் பள்ளிக்கு நிரவி-திருப்பட்டினம் தொகுதி சட்டப்பேரவை உறுப்பினா் எம். நாகதியாகராஜன் வியாழக்கிழமை சென்றாா். அந்த பள்ளியில் பணியாற்றும் நல்லாசிரியா் விருது பெற்ற ஆசிரியை அன்புச் செல்விக்கு வாழ்த்து தெரிவித்தாா். இதையடுத்து, மதிய உணவை ஆய்வு செய்து மாணவா்களுடன் உணவு சாப்பிட்டு, உணவின் சுவை, தரம் குறித்து மாணவா்களிடம் கேட்டறிந்தாா்.

அப்போது, செய்தியாளா்களிடம் அவா் கூறியது: சாதம் மொத்தமாக இருக்கிறது, சாப்பிட சிரமமாக உள்ளது என மாணவா்கள் கூறினா். எனவே, மாணவா்களுக்கு ஏற்றதான அரிசியை சமைக்க அனுப்ப வேண்டும் என புதுவை முதல்வரிடம் வலியுறுத்தப்படும். ஆசிரியா்களிடம் பேசியபோது, அண்மையில் ஆசிரியா் தகுதித் தோ்வு குறித்து பேசினாா்.

தமிழக பள்ளிக் கல்வி அமைச்சா் ஆசிரியா்களுக்கு துணையாக அரசு நிற்கும், உச்சநீதிமன்றத்தில் இதுதொடா்பாக சீராய்வு மனு தாக்கல் செய்யப்படும் என கூறியிருக்கிறாா். அதேபோல, புதுவை அரசும் தமது பங்கை உச்சநீதிமன்றத்தில் தாக்கல் செய்ய வலியுறுத்தப்படும். ஆசிரியா்களுக்கு எப்போதும் துணை நிற்போம் என்றாா்.