இளம்பெண் தற்கொலை: உறவினா்கள் சாலை மறியல்

சுங்குவாா்சத்திரம் அருகே இளம்பெண் தற்கொலை செய்துக் கொண்டதை அடுத்து அவரது உறவினா்கள் சாலை மறியலில் ஈடுபட்டனா்.

காஞ்சிபுரம் மாவட்டம், சுங்குவாா்சத்திரம் அடுத்த கோட்டூா் கிராமத்தைச் சோ்ந்தவா் அனுஷ்யா (18). இவரும் கண்ணன்தாங்கல் கிராமத்தைச் சோ்ந்த சஞ்சய் கண்ணன் (21) என்ற இளைஞரும் கடந்த 3 ஆண்டுகளாக காதலித்து வந்ததாக தெரிகிறது.

இந்த நிலையில், இளம் பெண்ணும், இளைஞரும் வெவ்வேறு சமூகத்தை சோ்ந்தவா்கள் என்பதால் இவா்களின் காதலுக்கு சஞ்சய் கண்ணனின் பெற்றோா் எதிா்ப்பு தெரிவித்தனா். இருப்பினும் இருவரும் அடிக்கடி சந்தித்து வந்துள்ளனா்.

இதனால் சஞ்சய் கண்ணனின் பெற்றோா், கண்ணந்தாங்கல் ஊராட்சியை சோ்ந்த முக்கியஸ்தா்களுடன் கோட்டூா் ஊராட்சியை சோ்ந்த முக்கியஸ்தா்களுடன் பஞ்சாயத்து பேசி காதல் ஜோடியை பிரித்துள்ளனா். இதனால் சஞ்சய் கண்ணன் அனுஷ்யா உடனான பழக்கத்தை திடீரென நிறுத்தி உள்ளாா்.

இதனால் மன உளைச்சலுக்கு ஆளான அனுஷ்யா செவ்வாய்கிழமை வீட்டில் யாரும் இல்லாத போது தூக்கிட்டு தற்கொலை செய்து கொண்டுள்ளாா்.

இச்சம்பவம் தொடா்பாக சுங்குவாா்சத்திரம் போலீஸாா் அனுஷ்யாவின் உடலை கைப்பற்றி பிரேத பரிசோதனைக்காக ஸ்ரீபெரும்புதூா் அரசு மருத்துவமனைக்கு அனுப்பி வழக்குப் பதிவு செய்து விசாரணை நடத்தி வருகின்றனா்.

இந்த நிலையில், அனுஷ்யாவின் தற்கொலைக்கு காரணமான சஞ்சய் கண்ணன் மீது நடவடிக்கை எடுக்க வலியுறுத்தி கடந்த இரண்டு நாள்களாக அனுஷ்யாவின் உடலை உறவினா்கள் வாங்க மறுத்து வந்துள்ளனா்.

இந்த நிலையில், சஞ்சய் கண்ணனின் தூண்டுதலின் தான் அனுஷ்யா தற்கொலை செய்து கொண்டதாகவும், எனவே சஞ்சய்கண்ணனை கைது செய்து விசாரணை நடத்த வேண்டும் என வலியுறுத்தி அனுஷ்யாவின் உறவினா்கள் எடையாா்பாக்கம் - கோட்டூா் சாலையில் வியாழக்கிழமை மறியல் போராட்டத்தில் ஈடுபட்டதால் பரபரப்பு ஏற்பட்டது.

இதையடுத்து சுங்குவாா்சத்திரம் போலீஸாா் பேச்சு நடத்தி சஞ்சய்கண்ணன் மீது நடவடிக்கை எடுப்பதாக உறுதி அளித்ததின் பேரில் போராட்டத்தை கைவிட்டு கலைந்து சென்றனா்.