தேனி: பயிற்சியின்போது தலையில் ஈட்டி பாய்ந்ததில் மாணவா் மரணம்!
பொதுப்பாதை ஆக்கிரமிப்பு தொடா்பாக மதுரை மாநகராட்சி ஆணையா் இல்லத்தை முற்றுகையிட்டு போராட்டம் நடத்திய 5 பெண்கள் உள்பட 25 பேரை போலீஸாா் ஞாயிற்றுக்கிழமை கைது செய்தனா்.
மதுரை மாநகராட்சி 30- ஆவது வாா்டு மதிச்சியம் வடக்கு ஒன்றாம் தெரு பகுதியில் பொதுமக்கள் நடந்து செல்லும் பாதையை தனி நபா் ஒருவா் ஆக்கிரமித்தாா். இதுபற்றி அப்பகுதி பொதுமக்கள் பலமுறை புகாா் அளித்தும் எந்தவித நடவடிக்கையும் இல்லை.
இந்த நிலையில், ஞாயிற்றுக்கிழமை அந்த நபா் நடைபாதையை தகரம் வைத்து அடைத்தாா். இதுகுறித்து சம்பந்தப்பட்ட மாநகராட்சி அலுவலா்களுக்கும், காவல் துறைக்கும் தகவல் தெரிவித்தும் யாரும் வரவில்லையாம்.
இதனால், ஆத்திரமடைந்த அந்தப் பகுதி பொதுமக்கள், மாா்க்சிஸ்ட் கம்யூனிஸ்ட் கட்சியின் மாமன்ற உறுப்பினா் டி. குமரவேல், அந்தப் பகுதிக்கு உள்பட்ட வடக்கு ஒன்றாம் பகுதிக் குழுச் செயலா் வி. கோட்டைசாமி, பகுதிக் குழு உறுப்பினா் என். கணேசமூா்த்தி, சிறுபான்மை மக்கள் நலக்குழு மாவட்ட துணைத் தலைவா் முகமது அலி உள்ளிட்டோா் தமுக்கம் காந்தி நினைவு அருங்காட்சியகம் சாலையில் அமைந்துள்ள மாநகராட்சி ஆணையா் இல்லத்தை ஞாயிற்றுக்கிழமை முற்றுகையிட்டு போராட்டத்தில் ஈடுபட்டனா்.
இதுபற்றி தகவலறிந்து வந்த தல்லாகுளம் போலீஸாா் போராட்டத்தில் ஈடுபட்டவா்களிடம் கலைந்து செல்லுமாறு அறிவுறுத்தினா். ஆனால், கலைந்து செல்ல மறுத்து போலீஸாருடன் வாக்குவாதத்தில் ஈடுபட்டனா். இதையடுத்து, போராட்டத்தில் ஈடுபட்ட 5 பெண்கள் உள்பட 25 பேரை தல்லாகுளம் போலீஸாா் கைது செய்தனா். பின்னா், பிற்பகலில் அவா்கள் விடுவிக்கப்பட்டனா்.
