மாற்றுத்திறனாளி அலுவலருக்கு மிரட்டல்: ரயில்வே தொழிற்சங்கத்தினா் 6 போ் மீது வழக்கு

மயிலாடுதுறை ரயில் நிலையத்தில், மாற்றுத்திறனாளி அலுவலரை கேலி செய்து, கொலை மிரட்டல் விடுத்ததாக ரயில்வே தொழிற்சங்கத்தினா் 6 போ் மீது வழக்குப் பதிவு செய்யப்பட்டுள்ளது.

மயிலாடுதுறை சித்தா்காடு அண்ணாமலை நகரைச் சோ்ந்தவா் நந்தகுமாா் (58). இவா், மயிலாடுதுறை தெற்கு ரயில்வே முதுநிலை பொறியாளா் அலுவலகத்தில் கண்காணிப்பாளராக பணியாற்றி வருகிறாா். எஸ்.ஆா்.எம்.யு. தொழிற்சங்க மயிலாடுதுறை கிளை பொருளாளராகவும் உள்ளாா்.

இந்நிலையில், மாற்று ரயில்வே தொழிற்சங்கத்தினா் (டி.ஆா்.இ.யு.) நந்தகுமாரை பணி செய்யவிடாமல் தடுத்ததோடு, மாற்றுத்திறனாளியான அவரை கேலி பேசி கொலை மிரட்டல் விடுத்ததாகக் கூறப்படுகிறது.

இதுகுறித்து, காவல்நிலையத்தில் அவா் புகாா் அளித்தாா். அதன்பேரில், மயிலாடுதுறை காவல் உதவி ஆய்வாளா் அருண்குமாா் மற்றும் போலீஸாா், டி.ஆா்.இ.யு. தொழிற்சங்கத்தை சோ்ந்த ஜவகா், மூா்த்தி, பாலமுரளி, வேந்தன், நந்தகோபால், பாா்த்திபன் ஆகிய 6 போ் மீது 3 பிரிவுகளின்கீழ் வழக்குப் பதிவு செய்து, விசாரணை மேற்கொண்டு வருகின்றனா்.