சேலம்: மாற்றுத் திறனாளிகளுக்கான திட்டங்கள் குறித்த விழிப்புணா்வு கலை நிகழ்ச்சிகள், மாற்றுத் திறனாளி மாணவா்களுக்கான கல்விச் சுற்றுலாவை சேலம் மாவட்ட ஆட்சியா் ரா. பிருந்தாதேவி செவ்வாய்க்கிழமை தொடங்கி வைத்தாா்.
பின்னா், மாவட்ட ஆட்சியா் தெரிவித்ததாவது:
சேலம் மாவட்டத்தில் மாற்றுத் திறனாளிகளுக்கு கல்வி உதவித்தொகை வழங்கும் திட்டம், திருமண உதவித்தொகை வழங்கும் திட்டம், இணைப்புச் சக்கரங்கள் பொருத்தப்பட்ட பெட்ரோல் ஸ்கூட்டா் வழங்கும் திட்டம், பராமரிப்பு உதவித்தொகை வழங்கும் திட்டம் உள்ளிட்ட பல்வேறு நலத்திட்ட உதவிகள் அரசின் மூலமாக செயல்படுத்தப்பட்டு வருகின்றன.
மாற்றுத் திறனாளிகளுக்கு வழங்கப்படும் அரசின் உதவித்திட்டங்கள், அவா்களுக்கான உரிமைகள் குறித்து விழிப்புணா்வு ஏற்படுத்தும் வகையில் மாவட்ட அளவிலான தெருமுனை நாடகங்கள் நடத்தும் வகையில் கலை நிகழ்ச்சி தொடங்கி வைக்கப்பட்டுள்ளது.
மாற்றுத் திறனாளி குழந்தைகள் கல்வி சுற்றுலா செல்லும் வகையில், 5 வயதுக்குட்பட்ட 50 குழந்தைகளை ஒருநாள் சுற்றுலாப் பயணமாக ஏற்காட்டில் படகு இல்லம், அண்ணா பூங்கா, பீக்கு பூங்கா உள்ளிட்ட பல்வேறு இடங்களுக்கு பாதுகாப்புடன் அழைத்துச் செல்லப்பட்டனா் என்றாா்.
இந்நிகழ்ச்சியில், மாவட்ட மாற்றுத் திறனாளிகள் நல அலுவலா் ரா. மகிழ்நன் உள்ளிட்ட தொடா்புடைய அரசுத் துறை அலுவலா்கள், மாற்றுத் திறனாளிகள் கலந்துகொண்டனா்.
