கடன் வளர்ச்சிக்கு புதிய திட்டங்களை அமல்படுத்தும் பொதுத்துறை வங்கிகள்: மத்திய அரச...
திருச்சியில் தடையை மீறி ஆா்ப்பாட்டம் மேற்கொண்ட பாமகவினா் 30 பேரைப் போலீஸாா் செவ்வாய்க்கிழமை கைது செய்யப்பட்டனா்.
பாமக நிறுவனா் மருத்துவா் ச. ராமதாஸ் குறித்து செய்தியாளா்கள் கேள்விக்கு, தமிழக முதல்வா் மு.க. ஸ்டாலின் பதில் அளிக்கையில், அவருக்கு வேலை இல்லை. ஏதாவது அறிக்கை விடுவது வழக்கம் எனத் தெரிவித்திருந்தாா். இதையடுத்து, பாமக சாா்பில் தமிழக முதல்வரைக் கண்டித்து திருச்சி ஆட்சியரகம் அருகே பாமகவினா் ஆா்ப்பாட்டம் நடத்த முடிவு செய்து செவ்வாய்க்கிழமை கூடினா்.
ஆா்ப்பாட்டம் நடத்துவதற்கு காவல்துறை அனுமதி பெறவில்லை என்பதால், ஆா்ப்பாட்டம் நடத்த தடை எனப் போலீஸாா் தெரிவித்தனா். என்றாலும் தடையை மீறி, திருச்சி தெற்கு மாவட்ட பாமக செயலாளா் பி.கே. திலீப் குமாா் தலைமையில் தமிழக முதல்வரைக் கண்டித்து ஆா்ப்பாட்டத்தில் ஈடுபட்டனா்.
மாவட்ட அமைப்புச் செயலாளா் வி. எழிலரசன், மாவட்ட சிறுபான்மை பிரிவு தலைவா் ஹரிஹரன், மாவட்ட சிறுபான்மை பிரிவு செயலாளா் எஸ் கே ஜே. ரஃபீக், ஒன்றியச் செயலாளா் ஐயப்பன், இளைஞா் அணி பொறுப்பாளா் பிகே ஆனந்த், தினேஷ்குமாா் உள்ளிட்டோா் போராட்டத்தில் பங்கேற்றனா்.
தடையை மீறி போராட்டம் நடத்தியதாக பாமகவினா் 30 பேரைப் போலீஸாா் கைது செய்தனா். அப்போது போலீஸாருக்கும் பாமகவினருக்கும் இடையே வாக்குவாதம், தள்ளுமுள்ளு ஏற்பட்டது.
