முருங்கை பவுடர், கேப்சூல்,தேநீர்; லாபத்துக்கு வழிகாட்டும் முருங்கை சாகுபடி, மதிப்புக்கூட்டல் பயிற்சி

மதிப்புக்கூட்டல் என்பது விவசாயத்தின் ஓர் அம்சமாக இருந்துவருகிறது. காரணம், மதிப்புக்கூட்டினால் அந்தப் பொருளின் வாழ்நாள் அதிகம், கூடுதல் விலைக்கு விற்கலாம், விளைபொருள்களின் சேதத்தைக் குறைக்கலாம் எனப் பல நன்மைகள் உண்டு.

அதிலும் உலக அளவில் 'சூப்பர் ஃபுட்' என்றழைக்கப்படும் முருங்கையில் பலவிதமான மதிப்புக்கூட்டப்பட்ட பொருள்கள் தயாரிக்கப்படுகின்றன. உலகின் பல நாடுகளுக்கும் ஏற்றுமதி செய்யப்பட்டு வருகின்றன. முருங்கை சாகுபடி மற்றும் மதிப்புக்கூட்டலில் ஈடுபட்டு வரும் விவசாயிகள் மற்றும் தொழில்முனைவோர் நல்ல லாபம் பார்த்து வருகிறார்கள்.

அந்த வகையில் பசுமை விகடன் மற்றும் பெரியகுளம் தோட்டக்கலை கல்லூரி மற்றும் ஆராய்ச்சி நிலையத்தின் கீழ் இயங்கும் தோட்டக்கலை தொழில்முனைவோர் மேம்பாட்டு நிறுவனமும் இணைந்து 2025, பிப்ரவரி 1-ம் தேதி 'லாபம் கொடுக்கும் முருங்கை சாகுபடி மற்றும் மதிப்புக்கூட்டல்' என்ற நேரடி பயிற்சியை நடத்த இருக்கிறது.

இந்தப் பயிற்சியில் முருங்கை மதிப்புக்கூட்டலுக்கான கருவிகள், அந்தக் கருவிகளைப் பயன்படுத்தும் விதம், முருங்கை ஏற்றுமதி செய்வது உள்ளிட்ட பல விஷயங்களைப் பயிற்சியில் தமிழ்நாடு வேளாண்மை பல்கலைக்கழகத்தின் கீழ் இயங்கும் தோட்டக்கலை கல்லூரிப் பேராசிரியர்கள் மற்றும் முருங்கை மதிப்புக்கூட்டலில் ஈடுபட்டிருக்கும் தொழில்முனைவோர் பகிர்ந்துகொள்ள இருக்கிறார்கள்.

இந்தப் பயிற்சியில் விவசாயிகள், வியாபாரிகள், தொழில்முனைவோர், மதிப்புக்கூட்டலில் ஈடுபட விரும்புவோர் எனப் பலரும் கலந்து கொள்ளலாம்.

மதிப்புகூட்டலுக்கு வழிகாட்டும் விதமாக 1 லட்சம் ரூபாய் முதலீட்டிலிருந்து 15 லட்சம் ரூபாய் வரை முதலீடு செய்து வருமானம் ஈட்டுவதற்கான வழிகாட்டல்கள் இந்த மதிப்புக்கூட்டல் பயிற்சி வழியாக கிடைக்கும்.

முருங்கை பவுடர், கேப்சூல், தேநீர், சூப் மிக்ஸ் போன்றவற்றை எவ்வாறு தயாரிப்பது என்பது குறித்து பயிற்சி அளிப்பதோடு அவற்றை சந்தைப்படுத்துவதற்கான வழிகாட்டலும் கிடைக்கும்.

நாள் : 01-02-2025 (சனிக்கிழமை)

நேரம்: காலை 9:30 மணி முதல் மாலை 4:00 மணி வரை .

இடம்: இடம்: தோட்டக்கலை தொழில்முனைவோர் மேம்பாட்டு மையம் (EDII), தோட்டக்கலை கல்லூரி மற்றும் ஆராய்ச்சி நிலையம், பெரியகுளம், தேனி மாவட்டம்.

கூகுள் மேப் லிங்க்:

https://maps.app.goo.gl/sqPi38tLPubpxpcA7

பயிற்சி கட்டணம்: 1,200 ரூபாய்

(பயிற்சியில் நோட் பேட், பேனா, தேனீர் , சான்றிதழ், மதிய உணவு போன்றவை வழங்கப்படும்).

சிறப்பு அம்சங்கள்:

முருங்கையில் வருமானம் ஈட்டுவதற்கான வழிமுறைகள்.

இயற்கை முறையில் முருங்கை சாகுபடி செய்யும் முறைகள், ரகங்கள்  தேர்வு, பராமரிப்பு, நோய் வேளாண்மை.

முருங்கை இலை அறுவடை மற்றும் காய வைக்கும் முறைகள்.

முருங்கை இலையை பவுடர் ஆக்குதல், கேப்சூல் தயாரித்தல், முருங்கை தேநீர் தயாரிக்கும் முறைகள், குறித்தான நேரடி செயல் விளக்கம்.

முருங்கை சூப் மிக்ஸ், ரைஸ் மிக்ஸ், முருங்கை லட்டு ஆகியவற்றின் தயாரிப்பு முறைகள்.

முருங்கை ஏற்றுமதி மற்றும் விற்பனை செய்யும் முறைகள் .

பயிற்சி கட்டணம் ரூபாய் 1200 /-செலுத்தி முன்பதிவு செய்து கொள்ளவும் . 

கட்டணம் செலுத்திய விவரம் மற்றும் உங்கள் முகவரியை 99400 22128 என்ற whatsapp எண்ணிற்கு அனுப்பவும்.

மேலும் விவரங்களுக்கு: 99400 22128